ईयूले रुसविरुद्ध कूटनीतिक र आर्थिक दबाब जारी राख्ने

जेठ ३, २०८२ शनिबार १२:२७:३३ | एजेन्सी

युरोपेली सङ्घ (ईयू) ले रुसविरुद्ध कूटनीतिक र आर्थिक दबाब जारी राख्ने जनाएको छ । शान्तिका लागि तयार नभएसम्म रुसी राष्ट्रपति पुटिनमाथि दबाब बढाइरहने ईयूका प्रमुख उर्सुला भोन डर लेयनले बताउनुभएको छ ।

उहाँले रुसविरुद्ध १८औं प्रतिबन्ध प्याकेजको तयारी शुरू भइसकेको समेत जानकारी दिनुभएको अन्तर्राष्ट्रिय सञ्चारमाध्यमले जनाएका छन् ।

अल्बानियाको तिरानामा आयोजित युरोपेली नेताहरूको भेलामा पत्रकारसँग लेयनले भन्नुभएको छ ‘हामी शान्ति चाहन्छौँ र शान्तिको मार्गतर्फ अघि बढ्न सबैले आवश्यक पहल गर्नुपर्छ ।’

ईयूले यसैहप्ता १७ औं प्रतिबन्ध प्याकेज पारित गरिसकेको छ, जसअन्तर्गत रूसद्वारा प्रयोग गरिँदै आएका झन्डै दुई सय तेल ट्याङ्करहरूलाई प्रतिबन्धको सूचीमा राखिएको छ ।

रुस र युक्रेनबीच हिजो टर्किएको राजधानी इस्तानबुलमा प्रत्यक्ष वार्ता भयो । वार्ता सकारात्मक भएको दुवै पक्षले जनाएका छन् । रुस र युक्रेनले एक/एक हजार युद्धबन्दी रिहा गर्ने सहमति समेत गरेका छन् ।

युक्रेनी पक्षले दुई देशका राष्ट्रपतिबीच सोझै छलफल हुनुपर्ने शर्तसमेत राखेको छ । यो वार्तामा रुसी राष्ट्रपति भ्लादिमिर पुटिन र युक्रेनी राष्ट्रपति भोलोदिमिर जेलेन्स्की सहभागी हुनुभएन ।

वार्ताअघि अमेरिकी राष्ट्रपति डोनाल्ड ट्रम्पले पुटिन र आफूसँगै नभएसम्म दुई देशको शान्ति वार्तामा कुनै प्रगति नहुने समेत बताउनुभएको थियो ।

सन् २०२२ को फेब्रुअरी २४ तारिखमा रुसले युक्रेनमाथि आक्रमण शुरू गरेको थियो । त्यसयता दुई देशबीचको लडाइँ रोकिएको छैन ।

अन्तिम अपडेट: जेठ ३१, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

ईयूले रुसविरुद्ध कूटनीतिक र आर्थिक दबाब जारी राख्ने

तस्बिर : एजेन्सी

तपाईको प्रतिक्रिया