आफूले चामल किन्न नपरेको टिप्पणीपछि जापानका कृषिमन्त्रीद्वारा राजीनामा

जेठ ७, २०८२ बुधबार १५:६:३१ | एजेन्सी

जापानका कृषिमन्त्रीले समर्थकहरूबाट उपहारका रूपमा पाएकोले आफूले कहिल्यै चामल किन्न नपरेको टिप्पणीपछि राजनीतिक परिणामका कारण पदबाट राजीनामा दिनुभएको छ ।

देशले चामलको बढ्दो मूल्य सामना गरिरहेको अवस्थामा कृषिमन्त्री टाकु इटोले निःशुल्क चामलको बारेमा गरेको टिप्पणीले सार्वजनिक आक्रोश निम्त्याएपछि उहाँले आज पदबाट राजीनामा दिनुभएको एएफपीले जनाएको छ ।

कृषिमन्त्री इटोले सप्ताहन्तमा एउटा भेलालाई सम्बोधन गर्दै समर्थकहरूले धेरै दान गरेका कारण आफूले कहिल्यै चामल नकिनेको र यसलाई व्यावहारिक रूपमा बेच्न सक्ने बताउनुभएको थियो ।

चामलको अभावका कारण मूल्य आकाशिएको जापानमा यो भनाइले ठूलो असर पारेको छ । गएको महिना चामलको मूल्य सन् २०२४ अप्रिलको तुलनामा झन्डै दोब्बर पुगेको थियो ।

सन् २०२३ मा गर्मी मौसमका कारण खराब फसल र गएको वर्ष ठूलो भूकम्पको चेतावनीद्वारा प्रेरित आपत्कालीन खरिदका साथै पर्यटन उद्योगको वृद्धिका कारण चामलको अभाव भएको खबरमा उल्लेख छ । सरकारले मूल्य घटाउने प्रयासमा आफ्नो आपत्कालीन चामल भण्डारको केही हिस्सा जारी गर्न बाध्य भएको छ र अहिलेसम्म थोरै सफलता मिलेको छ ।

कृषिमन्त्री इटोको टिप्पणीलाई मुख्य विपक्षी कन्स्टिच्युशनल डेमोक्रेटिक पार्टी अफ जापानका महासचिव जुन्या ओगावाले अत्यन्त अनुचित, वास्तविकताबाट टाढा र असहनीय भन्दै आलोचना गर्नुभएको थियो ।

खाद्य पदार्थको उच्च मूल्यका कारण खराब जनमत ‘रेटिङ’ भएका प्रधानमन्त्री शिगेरु इशिबाले मन्त्रीको टिप्पणीलाई ‘अत्यन्त दुर्भाग्यपूर्ण’ भन्दै निन्दा गर्नुभयो ।

विपक्षी दलहरूले इशिबाको अल्पमत सरकारविरुद्ध अविश्वासको प्रस्ताव दायर गर्ने धम्की दिएका खबरमा उल्लेख छ ।

अन्तिम अपडेट: जेठ ३१, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आफूले चामल किन्न नपरेको टिप्पणीपछि जापानका कृषिमन्त्रीद्वारा राजीनामा

तस्वीर : राेयटर्स

तपाईको प्रतिक्रिया