पालिकाको सङ्ख्या ५ सय बनाउन छलफल शुरू : एमाले सचिव भट्टराई

जेठ २६, २०८२ सोमबार १५:१६:१९ | उज्यालो सहकर्मी

काठमाण्डाै – सरकारको नेतृत्व गरिरहेको नेकपा (एमाले) का सचिव योगेश भट्टराईले पालिका र प्रदेशलाई बढीभन्दा बढी साधन स्रोत दिएर सङ्घीयतालाई प्रभावकारी बनाउनुपर्ने बताउनुभएको छ ।

काठमाण्डौमा आज आयोजित सङ्घीयतामा बजेटसम्बन्धी कार्यक्रममा सचिव भट्टराईले अहिले पनि केन्द्रीकृत मानसिकता हावी भइरहेको भन्दै त्यसलाई सङ्घीयता प्रभावकारी रूपमा कार्यान्वयन गरेर हटाउँदै जानुपर्ने बताउनुभएको हो । पालिकाको सङ्ख्या घटाएर वडा बढाउने विषयमा छलफल भइरहेको बताउँदै उहाँले अनौपचारिक हिसाबले पालिकाकाे सङ्ख्या पाँच सय बनाउनेबारे छलफल चलिरहेको उल्लेख गर्नुभयाे ।

आर्थिक, प्रशासनिक, राजनीतिक रूपमा सङ्घीयता जोडिएको बताउँदै एमाले सचिव भट्टराईले आर्थिक, राजनीतिक रूपमा सङ्घीयता कार्यान्वयनमा गए पनि प्रशासनिक हस्तान्तरणमा अझै पुग्न नसकेको बताउनुभयो ।

यस्तै कार्यक्रमा बोल्दै प्रतिनिधिसभा अन्तर्गतको अर्थ समितिका सभापति सन्तोष चालिसेले पालिका र प्रदेश सरकारलाई संविधानले धेरै अधिकार दिए पनि प्रयोग गर्न चुकिरहेको बताउनुभयाे ।संविधानले मेयरलाई मात्रै २२ वटा अधिकार दिएको भन्दै चालिसेले अधिकारको प्रयोगको सट्टा केन्द्रतर्फ मुख ताक्ने प्रवृत्ति रहेको सुनाउनुभयाे ।

अन्तिम अपडेट: जेठ ३१, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पालिकाको सङ्ख्या ५ सय बनाउन छलफल शुरू : एमाले सचिव भट्टराई

फाइल तस्वीर

तपाईको प्रतिक्रिया