दाङको घोराही कारागारमा दिसाजन्य फोहोरबाट बायोग्यास उत्पादन

जेठ २७, २०८२ मंगलबार १२:३:१४ | हेमराज शर्मा

दाङ – घोराही कारागारमा दिसाजन्य फोहोरबाट बायोग्यास उत्पादन गरिएको छ । पछिल्लो समय फोहोरको समस्या बढिरहेको हुँदा यसलाई व्यवस्थापन गर्नका लागि बायोग्यास उत्पादन गरिएको कारागार कार्यालय घोराहीका कार्यालय प्रमुख लक्ष्मण सिँह राठौरले जानकारी दिनुभयो । ५० घनमिटर क्षमताको बायोग्यासबाट अहिले पनि ८० जनाको लागि खाना पकाउन सहयोग पुगेको कारागार घोराहीले जनाएको छ ।

अहिले पर्याप्त फोहोर नभएकाले यसमा गोबर र अन्य सामग्री पनि प्रयोग गर्न सकिने उहाँको भनाइ छ । विभिन्न ठाउँमा फोहोरजन्य वस्तुलाई व्यवस्थापनमा समस्या हुँदै आएको अवस्थामा आफूहरुले गरेको कामले फोहोरको व्यवस्थापनसँगै बायोग्यास समेत उत्पादनमा टेवा पुगेको कारागार घोराहीका प्रमुख राठौरले बताउनुभयो ।

बायोग्यास उत्पादनबाट खाना पकाउने एलपी ग्यासको बचत र दिसाजन्य फोहोरलाई समेत व्यवस्थापन गर्न निकै सहज भएको उहाँको भनाइ छ । अहिले घोराही कारागार कार्यालयमा चार सय २७ जना कैदीबन्दी रहेका छन् । बायोग्यास प्लान्ट निर्माणका प्रतिनिधि हरिशरण श्रेष्ठले फोहोर व्यवस्थापनमा दिसाजन्य बायोग्यास व्यवस्थापन प्रभावकारी रहेको बताउनुभयो ।

अन्तिम अपडेट: जेठ ३०, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दाङको घोराही कारागारमा दिसाजन्य फोहोरबाट बायोग्यास उत्पादन

फाइल फाेटाे

तपाईको प्रतिक्रिया