कागजपत्र नभएका हजारौं आप्रवासीलाई ग्वान्टानामो बे हिरासत केन्द्रमा पठाउने तयारी

जेठ ३१, २०८२ शनिबार १२:२६:७ | एजेन्सी

कागजपत्र नभएका हजारौं आप्रवासीलाई ग्वान्टानामो बे हिरासत केन्द्रमा पठाउने अमेरिकी राष्ट्रपति डोनाल्ड ट्रम्पको योजना रहेको अमेरिकी सञ्चारमाध्यमले जनाएका छन् ।

ट्रम्प प्रशासनले कागजपत्र नभएका कम्तीमा नौ हजार आप्रवासीलाई चाँडोमा यसै हप्तासम्ममा ग्वान्टानामो बे पठाउन चाहिरहेको खबरमा उल्लेख छ ।

सयौं युरोपेलीहरू पनि समावेश हुने गरी आप्रवासीलाई उनीहरूको देश फर्काउनुअघि क्युबास्थित अमेरिकी नौसैनिक अखडामा छोटो समयावधिका लागि राखिने छ ।

गएको जनवरीमा राष्ट्रपति ट्रम्पले ग्वान्टानामो बे को हिरासत केन्द्रलाई विस्तार गर्न आदेश दिनुभएको थियो । त्यहाँ अहिले पाँच सय जना रहेकोमा ३० हजारसम्म राख्ने लक्ष्य छ ।

अमेरिकाले सञ्चालन गरेका अति महँगा सैनिक अखडामध्ये ग्वान्टानामो बे एउटा हो र यो सम्भवतः सबैभन्दा विवादित पनि रहेको बीबीसीले उल्लेख गरेको छ ।

सन् २००१ को सेप्टेम्बर ११ मा अमेरिकामा भएको आक्रमणका आरोपितहरुलाई राखिएपछि यो हिरासत केन्द्र विवादित भएको थियो ।

पूर्व राष्ट्रपति बाराक ओबामासहित विभिन्न डेमोक्रेटिक राष्ट्रपतिले ग्वान्टानामो हिरासत केन्द्र बन्द गराउने वाचा गरे पनि त्यो वाचा पूरा हुन सकेन ।

क्युबाका राष्ट्रपति मिगेल डिआस कानेलले ट्रम्पको योजनालाई ‘अमानविय कार्य’ भन्दै आलोचना गर्नुभएको छ ।

अन्तिम अपडेट: असार २४, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्