नेपालले टी–२० अन्तर्राष्ट्रिय क्रिकेटमा १००औं खेल खेल्दै

 असार २, २०८२ सोमबार १६:२८:२६ | उज्यालो सहकर्मी
unn.prixa.net

फाइल तस्वीर, आईसीसी

काठमाण्डाै – नेपाली राष्ट्रिय पुरुष क्रिकेट टोलीले आज सयौं टी–२० अन्तर्राष्ट्रिय क्रिकेट खेल्दैछ । स्कटल्यान्डमा भइरहेको त्रिदेशीय टी–२० अन्तर्राष्ट्रिय क्रिकेट शृङ्खलाअन्तर्गत नेदरल्यान्ड्ससँगको खेल नेपालको सयौं टी–२० अन्तर्राष्ट्रिय खेल हुनेछ ।

नेपालले सन् २०१४ को टी–२० विश्वकपमा हङकङसँग खेल्दै अन्तर्राष्ट्रिय क्रिकेट यात्राको शुरुआत गरेको थियो । त्यो खेल नेपालले जितेको थियो । त्यसयता खेलेका ९९ वटा टी–२० अन्तर्राष्ट्रिय क्रिकेटमा नेपाल ५५ खेलमा विजयी भएको ५ भने ३९ खेलमा पराजित भएको छ । यस्तै २ खेल बराबरीमा सकिँदा ३ खेल नतिजाविहीन भएको छ ।

नेपालका लागि सबैभन्दा धेरै टी–२० अन्तर्राष्ट्रिय क्रिकेट खेल्ने खेलाडीमा सोमपाल कामी, करण केसी र दीपेन्द्रसिंह ऐरी रहेका छन् । तीनै जनाले समान ७८ खेल खेलेका छन् । सोमपाल नेपालले पहिलो टी–२० अन्तर्राष्ट्रिय क्रिकेट खेल्दा टोलीका सदस्य थिए तर उनले चोटका कारण त्रिदेशीय शृङ्खला गुमाउने भएका छन् ।

अहिलेसम्म ४९ जना खेलाडीले नेपालका लागि टी–२० अन्तर्राष्ट्रिय क्रिकेट खेलेका छन् । पछिल्लो पटक नन्दन यादवले नेपालबाट टी–२० अन्तर्राष्ट्रिय क्रिकेटमा डेब्यु गरेका थिए ।

त्रिदेशीय शृङ्खला अन्तर्गत नेपाल र नेदरल्यान्ड्सबीचको खेल बेलुकी पौने ८ बजे शुरू हुनेछ । शृङ्खलाको पहिलो खेलमा हिजो घरेलु टोली स्कटल्यान्डले नेदरल्यान्ड्सलाई हराएको थियो ।

अन्तिम अपडेट: असार २४, २०८२

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

स्वास्थ्य बीमामा नयाँ व्यवस्था : साउन १ गतेदेखि आफू बसेकै ठाउँबाट सेवा लिन सकिने

२

सर्वाेच्च अदालतमा तीन जना न्यायाधीश नियुक्त

३

मिथेन ग्यासको सम्पर्कमा आएर इराकमा १२ टर्किए सैनिकको ज्यान गयो

४

बाढीले नेपाल–चीन जोड्ने मितेरी पुलसँगै गाडी बगायो, त्रिशूली नदीमा बाढीको जोखिम

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई