वेस्ट इन्डिजसँग खेल्न उत्साहित छाैँ : कप्तान पौडेल

असार ९, २०८२ सोमबार १२:३५:२८ | उज्यालो सहकर्मी

काठमाण्डौ – नेपाली राष्ट्रिय क्रिकेट टोलीका कप्तान रोहित पौडेलले वेस्ट इन्डिजसँगको टी–२० अन्तर्राष्ट्रिय खेललाई लिएर उत्साह व्यक्त गरेका छन् ।

स्कटल्यान्डमा सम्पन्न आईसीसी क्रिकेट विश्वकप लिग–२ शृङ्खला खेलेर हिजो स्वदेश फर्किएको नेपाली टोलीका कप्तान पौडेलले त्रिभुवन अन्तर्राष्ट्रिय विमानस्थलमा पत्रकारहरूसँग कुरा गर्दै वेस्ट इन्डिजसँग आउँदो सेप्टेम्बरमा हुने टी–२० अन्तर्राष्ट्रिय खेल नेपालका लागि ठूलो अवसर हुने बताए ।

वेस्ट इन्डिज दुई पटकको विश्वकप विजेता टोली हो । यसअघि नेपालमै वेस्ट इन्डिज ‘ए’ टोलीसँग खेलेको भन्दै आउँदो शृङ्खला अझ चुनौतीपूर्ण र रोमाञ्चक हुने उनको भनाइ छ ।

पौडेलले स्कटल्यान्डको भ्रमण र त्रिदेशीय टी–२० शृङ्खलाबाट नेपाली टोलीले राम्रो अनुभव बटुलेको र ब्याटिङतर्फ सुधार देखिएको बताए ।

वेस्ट इन्डिजसँगको खेलअघि नेपालले अक्टोबरमा हुने टी–२० विश्वकप एशिया छनोट तयारीको अभ्यासका लागि श्रीलङ्का जाने भएको छ । आउँदो अगस्टमा भारत र अस्ट्रेलियामा पनि नेपालको अभ्यास क्याम्प सञ्चालन हुने तय भइसकेको छ ।

अन्तिम अपडेट: असार २७, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्