टी–२० विश्वकपको एक वर्षपछि खेलाडीहरूलाई पुरस्कार रकम दिन ओमान क्रिकेट सहमत

असार ९, २०८२ सोमबार १८:३६:१५ | एजेन्सी

ओमान क्रिकेटले अन्ततः गएको वर्षको टी–२० विश्वकपमा सहभागी भएका खेलाडीहरूको बक्यौता तिर्न सहमति जनाएको छ ।

ओमानले आफ्नो पुरुष टी–२० विश्वकप टोलीका सदस्यहरूलाई प्रतियोगिताबाट पाउनुपर्ने पुरस्कार रकम तिर्न सहमति जनाएको क्रिकेटसम्बन्धी जानकारी दिने वेबसाइट क्रिकइन्फोले जनाएको छ । ओमान क्रिकेटले बक्यौता तिर्नमा भएको लामो ढिलाइ प्रक्रियात्मक भएको दाबी गरेको छ ।

ओमान क्रिकेटले विज्ञप्ति निकालेर आउँदो जुलाईसम्ममा टोली र सहयोगी कर्मचारीहरूलाई २ लाख २५ हजार अमेरिकी डलर रकम वितरण गरिने बताएको खबरमा उल्लेख छ ।

सन् २०२४ मा अमेरिका र क्यारेबियनमा आयोजना भएको टी–२० विश्वकपको एक वर्षपछि पनि ओमानका खेलाडीहरूले भुक्तानी नपाएका हुन् ।

अन्तर्राष्ट्रिय क्रिकेट काउन्सिल (आईसीसी) ले आयोजना गर्ने प्रतियोगितामा सहभागी बोर्डहरूले आईसीसीबाट पुरस्कार रकम प्राप्त गरेको २१ दिनभित्र खेलाडीहरूलाई वितरण गरिसक्नुपर्ने शर्त राखिएको छ ।

अन्तिम अपडेट: असार २४, २०८२

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

टी–२० विश्वकपको एक वर्षपछि खेलाडीहरूलाई पुरस्कार रकम दिन ओमान क्रिकेट सहमत

तस्वीर : एजेन्सी

तपाईको प्रतिक्रिया