एफए कपको पहिलो सेमिफाइनलमा आज राति सिटी र चेल्सी खेल्दै
बैशाख ८, २०८१ शनिबार
दाङ – नेपाल पत्रकार महासंघका अध्यक्ष गोबिन्द आचार्यले पत्रकारले गरेको गल्तीलाई अपराधीका रुपमा लिने गरिएको भन्दै अपत्ती जनाउनुभएको छ ।
नेपाल पत्रकार महासंघ दाङको २६ औँ स्थापना दिवस तथा वार्षिक साधारणसभामा बोल्दै पत्रकारले गरेका गल्तीलाई अपराधीका रुपमा लिएकोमा उहाँले अपत्ती जनाउनुभएको हो ।
फौजदारी संहिताले पत्रकारलाई कानून लगाउने भाषा बोलेको उल्लेख गर्दै अध्यक्ष आचार्यले यसका लागि आफूहरुले आन्दोलन गरेको स्मरण गर्नुभयो । उहाँले प्रेस स्वतन्त्रताका लागि कुनै पनि सम्झौता नहुने बताउनुभयो ।
साना सञ्चार माध्यमहरुले विकास निर्माणका लागि महत्वपूर्ण भूमिका खेलेको उल्लेख गर्दै अध्यक्ष अचार्यले कामको बेलामौकामा समीक्षा हुन आवश्यक रहेको उल्लेख गर्नुभयो ।
कार्यक्रममा नेपाल पत्रकार महासंघ दाङका संस्थापक अध्यक्ष नारायणप्रसाद शर्माले पत्रकारले पनि आफ्नो जिम्मेवारीलाई बोध गरेर काम गर्नुपर्ने बताउनुभएको थियो । अध्यक्ष शर्माले कमिकमजोरीलाई निर्मुल पार्दै चिन्तन, मनन्, छलफल गरेर अगाडि बढ्न सक्नुपर्ने बताउनुभएको थियो ।