गुल्मीको इस्मामा डढेलोमा परेर दुई जना घाइते, १५ वटा घरगोठ जले
बैशाख ८, २०८१ शनिबार
काठमाडाैं - ठेलामा माेमाे बेच्दै गायक बनेका कपिल पौडेलको पहिलो गीत ‘साला काठमाण्डुमा’ सार्वजनिक भएको छ ।
गायक बन्ने सपना बोकेर काठमाडौं आएका कपिल लामो समयदेखि बानेश्वर चोकमा ठेलामा माेमाे बेच्दै आएका थिए ।
उनको गायकीको यूट्यूबमा चर्चा भएपछि उनी एकाएक चर्चित भएका थिए । उनै कपिलले पहिलो पटक आफ्नो आवाजमा गीत निकालेका हुन् । निरज भट्टको शब्दमा रहेको गीतमा कपिलकै संगीत रहेको छ ।
काठमाडौैमा सपना बोकेर आउने युवा र उनले काठमाडौंमा पाउने असफलता र दुख झल्काउने गीतमा शिशिर भण्डारीको अभिनय रहेको छ । काठमाडौंमा पाएको असफलतामा निराशा व्यक्त गर्न ‘साला काठमाण्डुमा’ भन्ने शब्द राखिएको कपिलको भनाइ छ ।
सन्तोष खनाल ‘फिल्मीकिरो’को निर्देशनमा बनेको भिडियोमा वाईपी घिमिरेको छायांकन रहेको छ । भिडियोलाई सन्जिप श्रेष्ठले सम्पादन गरेका हुन् ।
गीतको भिडियो नया नया न्यूज नेपालको औपचारिक यूट्यूब च्यानलबाट सार्वजनिक भएको छ ।
– उज्यालाे र गफगाफ डटकमकाे सहकार्य