कपनबाट पेस्ताेलसहित एक जना पक्राउ
चैत १६, २०८० शुक्रबार
लमजुङ – हिमाली जिल्ला मनाङमा हिमपात भएको छ । चिसो बढेसँगै मनाङमा हिमपात भएको हो ।
मनाङमा बिहीबार दिउँसो एक बजेदेिख हिमपात पर्न थालेको स्थानीय सञ्चारकर्मी नेगम परियारले जानकारी दिनुभयो ।
उहाँका अनुसार बिहीबार दिउँसोदेखि पर्न थालेको हिमपात शुक्रबार बिहान रोकिएको हो ।
माथिल्लो मनाङको ढुकुरपोखरी, पिसाङ, ङावल, घ्यारु, उपर मनाङ, खाङ्सार र टंकी मनाङलगायतका ठाउँमा रातभर भारी हिमपात परेको उहाँले बताउनुभयो ।
शुक्रबार दिउँसो भने मनाङमा घाम लागेको उहाँले बताउनुभयो । उहाँका अनुसार मनाङमा चिसो हावाहुरी चलेको छ । चिसो बढेको छ । चिसोका कारण जनजीवन प्रभावित भएको छ । स्थानीय घरभित्रै ढोका थुनेर बसेका छन् ।
‘मनाङमा हावाहुरी चलेको छ । चिसो छ । हामी कोठाभित्रै कोइला चुल्होमा आगो तापेर बसेका छौँ’, नेगमले भन्नुभयो, ‘अहिले मनाङको चामेको तापक्रम माइनस १६ डिग्री सेल्सियस पुगेको छ ।’ उहाँका अनुसार हिमपात हुनुपूर्व चिसो हुरी चल्छ ।
श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।