लाेकेश बमले शतक बनाए पनि नेपालकाे 'ए' टाेली आयरल्यान्ड–उल्भ्स...
चैत १६, २०८० शुक्रबार
बर्दिया – बर्दियाको ठाकुरबाबा नगरपालिकामा एकै रातमा तीन ठाउँमा चोरी भएका छ ।
आइतबार राति बर्दिया ठाकुरबाबा नगरपालिका–९, को वडा कार्यालय, ठाकुरद्वारा बजारमा रहेको उत्तम सुनचाँदी पसल र चौधरी तरकारी पसलमा चोरी भएको वडाध्यक्ष राधा चौधरीले जानकारी दिनुभयो ।
ठाकुरद्वारा बजारमै रहेको ठाकुरबाबा नगरपालिकाको ९ नम्बर वडा कार्यलयमा तोडफोड तथा चोरी भएको हो । सोमबार बिहान १० बजे वडा अध्यक्ष राधा चौधरी कार्यालयमा आउँदा चोरी भएको थाहा पाएपछि इलाका प्रहरी कार्यालयमा जानकारी गराएको बताउनुभयो ।
वडा कार्यालयबाट २२ हजार रकम चोरी भएको र वडा कार्यालयका अधिकांश टेबल र दराज फुटाइएको वडाध्यक्ष राधा चौधरीले बताउनुभयो । ‘वडा कार्यालयका लकरहरु चोरले फोडेको छ, दाखिला गर्ने भनेर लकरमा राखिएको २२ हजार नगद चोरिएको र कागजपत्र जथाभावी फलिएको छ’, उहाँले बताउनुभयो ।
त्यस्तै, आइबार राति नै ठाकुरद्वारा बजार नजिक रहेको उत्तम सुनचाँदी पसलको ताला फुटाइ सुनचाँदीसहित नगद रकम चोरी भएको छ । उत्तम सुनचाँदी पसलबाट साढे २ तोला सुन, ३ किलो चाँदीसहित झण्डै ३ लाख बढीको चोरी भएको र चौधरी तरकारी पसलको दुई वटा साइकल चोरी भएको प्रहरीले जनाएको छ ।
आइतबार बिहान २ बजेतिर वडा कार्यालय, सुनचाँदी पसल र तरकारी पसलमा चोरी भएको हो । तीन ठाउँमा भएको चोरीका विषयमा खोज अनुसन्धान भैरहेको इलाका प्रहरी कार्यालय भुरिगाउँका प्रहरी निरीक्षक प्रदिपकुमार डिसीले बताउनुभयो ।
बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।