नयाँ वर्षको कार्यक्रममा गोली चल्दा एकै परिवारका ६ जनाको मृत्यु

 पुस १७, २०७५ मंगलबार १८:२९:३२ | रासस
unn.prixa.net

थाइल्याण्डमा एक व्यक्तिले आफ्नै परिवारका सदस्यहरुलाई गोली प्रहार गरेर हत्या गरेका छन् । नयाँ वर्षको अवसरमा भइरहेको रमाइलो कार्यक्रममा उनले हानेको गोली हानेर दुईजना बालबालिकासहित एकै परिवारका ६ जनाको मृत्यु भएको हो । 

ससुराले आफूलाई अपमान गरेको महसुस गरी ती व्यक्तिले गोली प्रहार गरेको प्रहरी अधिकारीहरुले मंगलबार जनाएका छन् । चुम्फोङ प्रान्तमा मध्यरातमा झण्डै दश मिनेट जति ती व्यक्तिले आफ्नै परिवारका सदस्यहरुमाथि निरन्तर रुपमा गोली वर्षाएका थिए । 

अत्यधिक मदिरा सेवन गरेका सुचीप सोर्नसुङ नाम गरेका ती व्यक्तिले रमाइलो कार्यक्रम सुरु भएपछि गोली प्रहार गरेको प्रहरीले जनाएको छ । ‘पीडित सबैजना उनकै पारिवारिक सदस्य हुन्, ती मध्ये दुईजना उनैका नौ वर्षको छोरा र ६ वर्षकी छोरी पनि रहेका छन्’, एक प्रहरी अधिकारीले भने । 

श्रीमतीको माइतीले उनलाई स्वागत नगरेको रिसमा उनले आफ्नै परिवारमाथि गोली प्रहार गरेको प्रहरीको भनाई छ । मारिनेमा अरु दुईजना महिला र दुईजना पुरुष रहेका छन् । ती दुई जनाको नाता भने खुलाइएको छैन ।

थाइल्याण्डमा पछिल्लो समयमा गोली प्रहार गरी हत्या गर्ने गरेका घटनामा बृद्धि भएको बताइएको छ । 

अन्तिम अपडेट: चैत २५, २०७५

तपाईको प्रतिक्रिया