धनुषामा एक सय ५२ बोरा प्याज र ३२ थान मोबाइल बरामद
बैशाख ६, २०८१ बिहिबार
भारतीय कमेडियन कपिल शर्मा आफ्नो कार्यक्रम द कपिल शर्मा शो को दोस्रो सिजन लिएर टेलिभिजनको दुनियामा फर्किएका छन् ।
केही समय टेलिभिजन दुनियाबाट टाढा रहेका कपिलको दोस्राे सिजनको प्रिमियर एपिसोडको रेस्पोन्स राम्रो आएकाले उनी हौसिएका छन् र उनमा आत्मविश्वास बढेको छ ।
कपिलको आफ्नै प्रोडक्शन हाउस छ जसको नाम k9 हो । उनको यस प्रोडक्शन हाउसको ब्यानरमा द कपिल शर्मा शो बाहेक पञ्जाबी फिल्म तथा अन्य कमेडी शो हरु पनि निर्माण गर्ने योजना छ ।
कपिल कमेडी च्याट शो मा व्यस्त रहँदा उनकी पत्नी गिन्नी चतरथलाई प्रोडक्शन हाउसको डाइरेक्टरका जिम्मेवारी सुम्पने योजनामा रहेको बताइएको छ ।
कपिलका नजिकको स्रोतले बताएअनुसार उनकी श्रीमती गिन्नी जालन्धरबाट मुम्बइ आउनेछिन् किनकि कपिल आफ्नी श्रीमती घरमै बसुन् भन्ने चाहँदैनन ।
न्नीलाई फिल्म निर्माणसम्बन्धी राम्रो जानकारी भएकाले कपिल आफै उनलाई आफ्नो प्रोडक्शन हाउसमा क्रियटिभ डाइरेक्टरको रुपमा परिचित गराउने सोचमा छन् । गिन्नी चतरथ पञ्जाबी भाषामा राम्रो दक्खल राख्छिन् । यसैले उनले क्षेत्रीय विभागमा समेत आफ्नो चाख देखाइसकेकी छिन् ।
आउँदो केही महिनामा कपिल पञ्जाबी फिल्म तथा अन्य कमेडी शो हरुमा काम गर्न सुरु गर्नेछन् । यी फिल्म तथा कमेडी शो क्षेत्रीय च्यानलमा देखाइनेछ भने गिन्नीले यस च्यानलको रेखदेख गर्नेछिन् ।
कुनै समय k9 की क्रियटिभ डाइरेक्टर प्रीति सिमोससँग सँगसँगै काम गर्दा कपिल र प्रीतिबीच प्रेमसम्बन्ध पनि रह्यो । तर त्यो धेरै समय टिकेन र केही समयपछि प्रीतिले सम्बन्ध र काम दुवैबाट टाढा भइन् । उनले छोडेको क्रियटिभ डिपार्टमेण्टको काम अब उनकी पत्नी गिन्नीले सम्हाल्नेछिन् ।