काठमाडाै‌ - करिब एक दशक अघि साङ्गीतिक बजारमा सुमन लामाको शब्द र संगीत रहेको गीत ‘रातो रिबन चुल्ठोमा बाटिदिउँला’ बाट राम्रो सफलता मिल्यो, गायक ईश्वर पोख्रेललाई । 

पोख्रेल २०५८ सालमै ‘जानु पर्याे नि म त लाहुर’ बोलको गीतबाट साङ्गीतिक बजारमा आएका थिए । तर २०६४ सालमा बजारमा आएको रातो रिबन नै उनको परिचय बन्यो । अहिले एकनारायण भण्डारीको शब्द र संगीतमा पोख्रेलले आवाज दिएको ‘कति राम्रो’ बोलकोे गीत सार्वजनिक भएको छ ।

‘अर्जुन पोख्रेलको सङ्गीत, शीव पालासको शब्दमा ‘काली मोरी’ र एकनारायणको शब्द– सङ्गीतमा ‘कति बज्यो भनेर सोधम् कि’ मेरा लागि थप परिचय बने, ’गायक पोख्रेलले आए आँप गए झटारो भन्दै ठट्टा गरे, ‘पहिला कम्पनी धाउने चलन थियो । अहिले आफ्नै युट्यूबबाट गीत सजिलै सार्वजनिक गर्न सकिन्छ ।’ 

उनले थपे, ‘तर आधुनिक प्रविधि निकै खर्चिला छन् र प्रतिस्पर्धा पनि छ । लगानीमा जोखिम बढ्दो छ ।’ 

कति राम्री गीतमा मोडलिङ्ग रविन भुजेल र सारा श्रीपाइलीको छ ।