सुशान्त सिंह राजपुतलाई एकैसाथ १२ ओटा फिल्मबाट आयो ‘अफर’

 पुस २५, २०७५ बुधबार ११:४:३ | एजेन्सी
unn.prixa.net

अभिनेता सुशान्त सिंह राजपुत अभिनित फिल्म ‘केदारनाथ’ ले सफल व्यापार गरेसँगै बलिउड फिल्म उद्योगमा छायामा परिरहेको सुशान्तको करियरलाई फेरि माथि उकास्ने काम गरिदिएको छ । यसै फिल्मको सफलता पछि सुशान्तलाई कयौं फिल्ममा काम गर्ने अफरहरु आइरहेका छन् । 

भर्खरै सुशान्तको फिल्म ‘सोनचिडिया’ को ट्रेलर सार्वजनिक भएको छ । यस ट्रेलर हेरेर दर्शले सकारात्मक प्रतिक्रिया दिइरहेका छन् । ट्रेलर हेर्दा सुशान्त निकै दमदार भूमिकामा देखिएका छन् । यस सँगै सुशान्तले फिल्म ‘किजी और मैनी’ र ‘छीछोरे’ पनि साइन गरिसकेका छन् । 

यसका अलावा सुशान्तलाई फिल्म निर्माताहरुले १२ वटा छुट्टछुट्टै फिल्मबाट अभिनयका लागि अफर गरिरहेका छन् । भारतीय सञ्चारमाध्यमसँगको कुराकानीमा सुशान्त आफैँले यस कुराको खुलासा गरेका हुन् ।

सुशान्तले भने ‘मलाई यतिबेला १२ वटा फिल्मका लागि निर्माताहरुले कुराकानी गरिरहेका छन् । मलाई थाहा पनि छैन की म कुन फिल्मको छायांकन सबैभन्दा पहिले गर्नेछु ।’ उनले अगाडि भने ‘अहिले फिल्म ‘चन्दा मामा दूर के’ र एक बायोपिकको काम चलिरहेको छ ।  

सुशान्त सिंह राजपुतको फिल्म ‘सोचिडिया’ मा अभिनेत्री भूमि पेडनेकर, मनोज बाजपेय र आशुतोष राणाको मुख्य भूमिका रहेको छ । यो फिल्मको कहानी डाकुहरुको जीवनमा आधारित छ । अभिषेक चौबेद्वारा निर्देशित यो फिल्म २०१९ को फेब्रुअरी ८ मा  रिलिज हुनेछ । 

अन्तिम अपडेट: जेठ ३, २०७६

तपाईको प्रतिक्रिया