शेयर बजार तीन अङ्कले घट्याे
बैशाख १३, २०८१ बिहिबार
आन्तरिक राजश्व विभागले मोटरसाइकलमा भाडाका यात्रु बोक्ने कम्पनी टुटलले कर छलेको विषयमा छानबिन सुरु भएको जनाएको छ ।
टुटलले स्थायी लेखा नम्बर प्यानका भरमा मात्रै व्यवसाय सुरु गरेको तर यात्रुसँग १३ प्रतिशत भ्याट पनि असुलेको समाचार सार्वजनिक भएपछि छानबिन सुरु गरिएको विभागका प्रवक्ता यज्ञप्रसाद ढुंगेलले उज्यालोलाई जानकारी दिनुभयो ।
‘हामीले सूचना पाएलगत्तै प्रारम्भिक चरणको छानबिन सुरु गरेका छौं, सुनेको आधारमा मात्रै घटना पुष्टि हुँदैन, कतै गल्ती भेटिए यत्तिकै छाड्ने त कुरै आउँदैन’ प्रवक्ता ढुंगेलले भन्नुभयो ।
राइड शेयरिङ कम्पनीका रुपमा प्यानमा दर्ता भएपनि टुटल भ्याटमा दर्ता भएको छैन ।
यातायात व्यवस्था ऐन र नियमावलीमा रातो नम्बर प्लेटका सवारी साधनले भाडाका यात्रु बोक्न नपाउने व्यवस्था भए पनि टुटल र पठाओले मोटरसाइकलमा भाडाका यात्रु बोक्दै आएका छन् ।
केही समय अघि प्रहरीले टुटलमार्फत यात्रु बोक्ने मोटरसाइकल र चालकलाई पक्राउ गरेपछि पक्ष र विपक्षमा बहस भएको थियो ।
त्यसको केही दिनपछि राष्ट्रिय विकास समस्या समाधान समितिको बैठकमा प्रधानमन्त्री केपी शर्मा ओलीले टुटल पठाओको सेवा नरोक्न निर्देशन दिनुभएको थियो ।