काठमाण्डाै - नेपाली कांग्रेसका प्रवक्ता विश्वप्रकाश शर्माले ‘गौतम बुद्ध अन्र्तराष्ट्रिय क्रिकेट रंगशाला’ निर्माणका लागि आर्थिक सहयोग हस्तान्तरण गर्नुभएकाे छ । 

उहाँले श्रीमती कविता शर्मासँग विवाह भएको १६ औँ वर्षको अवसर पारेर उनले धुर्मुस सुन्तली फाउण्डेशनका अध्यक्ष सिताराम कट्टेल (धुर्मुस) लाई सहयोग हस्तान्तरण गर्नुभएकाे हाे । 

विवाह भएको १६ औँ वर्ष पूरा गरेकोले उहाँले क्रिकेट रंगशाला निर्माण गर्न १६ हजार रुपैँया नै सहयोग गर्नुभएकाे छ ।

सहयोग हस्तान्तरण गर्दै उहाँले यस्तै अवसरमा हुने खर्चको जोहो गरेर सबैले सानो सानो सहयोग गरे नेपालमा छिट्टै अन्तर्राष्ट्रियस्तरको रंगशाला निर्माण हुने विश्वास व्यक्त गर्नुभयाे । 

प्रत्येक नागरिकले देश बनाउने कर्तव्य मेरो हो भन्ने अनुभूत गरेमा देशको विकास हुन समय नलाग्ने भन्दै उहाँले रंगशाला निर्माणका लागि सकेको सहयोग गर्न सबैमा आह्वानसमेत गर्नुभयाे ।