वृद्धवृद्धा र अशक्तले अब गाडी चढेरै चिडियाखाना अवलोकन गर्न सक्ने
बैशाख ८, २०८१ शनिबार
इंग्ल्याण्डमा हुने आईसीसी विश्वकप क्रिकेटका लागि न्यूजिल्याण्डले टिमको घोषणा गरेको छ ।
न्यूजिल्याण्ड क्रिकेट बोर्डले ३० मे देखि १४ जुलाईसम्म आयोजना हुने विश्वकप क्रिकेटका लागि १५ सदस्यीय टिमको घोषणा गरेको हो । केन विलियम्सनको कप्तानीमा घोषणा गरिएको टिममा टम ब्लेडलले डेब्यू गर्ने भएका छन् ।
यसअघि राष्ट्रिय टिमबाट कुनै पनि प्रतियोगिता नखेलेको विकेट किपर ब्याट्सम्यान ब्लेडलले सिधै विश्वकपमा डेब्यू गर्ने भएका हुन् । टिम सिफर्ट घाइते भएपछि ब्लडेलले मौका पाएका हुन् ।
यसैगरी न्यूजिल्याण्ड टिमका नियमित सदस्य रहेका तिव्र गतिका बलर डग ब्रेसबल अन्तिम १५ सदस्यीय टोलीमा अटाएका छैनन् । प्रशिक्षक गेरी कस्टनले विश्वकप जस्तो ठूलो प्रतियोगिताका लागि खेलाडी छनोट गर्नु चुनौती रहेको बताएका छन् ।
विश्वकपको पहिलो खेलमा न्यूजिल्याण्डले जुन १ तारिखमा श्रीलंकाविरुद्ध खेल्ने छ । यसैगरी १३ जुनमा न्यूजिल्याण्ड र भारतका बीचमा प्रतिस्पर्धा हुने छ ।
न्यूजिल्याण्डको टिमः
केन विलियम्सन (कप्तान) रस टेलर, मार्टिन गुप्टिल, कलिन मुनरो, हेनरी निकोलस, टम लाथम र टम ब्लेडल (विकेट किपर) जिमी नीशम, मिशेल सेंटनर, कलिन डी ग्रेडहोम, लकी फर्गुसन, टीम साउथी, ईश सोढी र मेट हेनरी ।
aashish
April 5, 2019, 1:50 p.m.nz is strong team
Sudeep
April 4, 2019, 10:06 a.m.One more missing from the list. Trent Boult...