सुनको भाउमा फेरि नयाँ रेकर्ड : तोलाको एक लाख ३९ हजार तीन स...
बैशाख ७, २०८१ शुक्रबार
खोटाङ - खोटेहाङ गाउँपालिका–२ वाप्लुखाको पहिरोमा परि बेपत्ता भएकी एक महिलासहित उनकाे २ छोराकाे शव भेटिएकाे छ ।
शुक्रबार बिहान ४ बजेतिर माथिबाट खसेको पहिरोले घर पुरिँदा बेपत्ता भएका खोटेहाङ गाउँपालिका–२ वाप्लुखास्थित बाघपच्याङका विष्णु राईकी श्रीमती रेखा राई, ३ वर्षीया छोरा रोमन राई र ७ महिने छोरा रोजन राईको ज्यान गएको जिल्ला प्रहरी कार्यालय खोटाङका डीएसपी बामदेव गौतमले बताउनुभयो ।
इलाका प्रहरी कार्यालय खोटाङ बजारबाट खटिएका प्रहरी निरीक्षक चन्द्रकुमार राजवंशी नेतृत्वको प्रहरी र स्थानीयवासीले आमा र दुई छोराको शव पहिरोबाट निकालेको हो । शव निकाल्नका लागि दिनभर पहिरो खोतलिएको थियो ।
विष्णुलाई भने पहिरोमा किचिएको अवस्थाबाट आफन्तले उद्धार गरेको वाप्लुखाका वडाध्यक्ष दिपेन राईले बताउनुभयो । घाइते भएका विष्णुलाई प्राथमिक उपचारका लागि खोटाङ बजार पठाइएको छ । खोटाङ बजारमा उपचार सम्भव नभए अन्यत्र पठाएर उपचारको व्यवस्था मिलाइने वडाध्यक्ष राईले बताउनुभयो ।