दोलखाको शैलुङ गाउँपालिकाको ३६ घर पहिरोको जोखिममा

साउन १६, २०७६ बिहीबार १२:४३:२३ | उषा तामाङ

दोलखा – शैलुङ गाउँपालिका – १ ताम्चेत दूधपोखरीको विक टोलमा पहिरो जाँदा ३६ घर जोखिममा परेका छन् ।

गएको सोमबार दिउँसोको पहिरोले म बहादुर विकको ढुङ्गा माटोले बनेको चार कोठे भुइँतले घरमा पूर्णरुपमा क्षति पुगेको छ । पहिरोले घरभित्र रहेका अन्नपात, लत्ताकपडा, भाडावर्तन गरी झण्डै आठ लाख रुपैयाँ बराबरको क्षति भएको छ ।

त्यसैगरी मान बहादुर घतानीको ढुङ्गा माटोले बनेको चार कोठे भुइँतले घर पूर्णरुपमा क्षति भएको दोलखा प्रहरीले जनाएको छ । घर क्षति हुँदा घरभित्र रहेको अन्नपात, लत्ताकपडा, भडावर्तन गरी झण्डै सात लाख रुपैयाँ बराबरको क्षति भएको छ । घर पूर्णरुपमा क्षति भएपछि उनीहरु आफन्तकोमा बसिरहेको इलाका प्रहरी कार्यालय मागापौवाले जनाएको छ ।

पहिरोले विक टोलका मनकुमारी मगर, पदमलाल घतानी र मीनलाल घतानीकोे १३ रोपनी बारी पुरिएको छ भने ३६ घरका २ सय ५९ जना जोखिममा रहेको दोलखा प्रहरीले जनाएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उषा तामाङ

उज्यालोका दोलखा सहकर्मी उषा तामाङ कालीञ्चोक एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्