सडकका खाल्डाखुल्डी तत्काल पुर्न प्रधानमन्त्रीको निर्देशन

 असार २७, २०७५ बिहिबार ५:४०:३९ | रासस
unn.prixa.net

काठमाडौं - प्रधानमन्त्री केपी शर्मा ओलीले उपत्यकाका सडकका खाल्डाखुल्डी जतिसक्दो चाँडो पुर्न निर्देशन दिनुभएको छ । 

चाबहिल–बौद्ध–जोरपार्टी, कलंकी–थानकोटलगायत सडकको अवस्था र सार्वजनिक यातायात क्षेत्रको केही समय अघिसम्म कायम रहेको सिण्डिकेटको पूर्णरुपमा अन्त्य गर्ने विषयमा प्रधानमन्त्री ओलीले भौतिक पूर्वाधार तथा यातायातमन्त्री, सचिव लगायतलाई बोलाएर ती समस्या तत्काल समाधान गर्न निर्देशन दिनुभएको प्रधानमन्त्री कार्यालयद्वारा आज जारी विज्ञप्तिमा उल्लेख छ । 

प्रधानमन्त्री ओलीले देशभरका सबै सडक, ढल तथा अन्य पूर्वाधार निर्माण गर्दा आधुनिक, प्रविधिमैत्री र गुणस्तरीय बनाउनसमेत निर्देशन दिनुभएको छ । प्रधानमन्त्रीले सार्वजनिक यातायातलाई भरपर्दो, सेवाग्राहीमैत्री एवं प्रविधिमैत्री बनाउँदै ज्येष्ठ नागरिक, महिला, अपाङ्गलगायतलाई प्रदान गरिने आरक्षण सीट सुविधाको उपभोगलाई सहज बनाउनसमेत निर्देशन दिनुभएको छ । 

अन्तिम अपडेट: फागुन ३०, २०८०

1 Comments

  • कपिल न्यौपाने

    July 12, 2018, 5:58 a.m.

    अाेहाे कति जनता प्रति संवेदनशील सरकार ! रेल र पानी जहाज चलाउने महान कार्य छाडेर खाल्डा पुर्ने काम गर्ने निर्देशन दिएछ । त्याे पनि मनसुन शुरु भएपछि । महान प्रगतिशिल सरकार !

  •  0 Reply

तपाईको प्रतिक्रिया