पत्रकार पुडासैनी आत्महत्या प्रकरणबारे रवि लामिछानेले सार्वजनिक सञ्चार माध्यममा बाेल्न नपाउने

 भदौ ९, २०७६ सोमबार १९:३९:२ | उज्यालो सहकर्मी
unn.prixa.net

काठमाण्डौ - शालिकराम पुडासैनीको आत्महत्या दुरुत्साहनको मुद्दा खेपिरहेका टेलिभिजन कार्यक्रम प्रस्तोता रवि लामिछानेलाई सार्वजनिक सञ्चार माध्यममा मुद्दासँग सम्बन्धित कुरा गर्न रोक लगाइएको छ । 

जिल्ला अदालत चितवनले सोमबार पाँच लाख धरौटीमा रिहा गर्न आदेश दिँदै मुद्दासँग सम्बन्धित कुरा सार्वजनिक माध्यममा गएर बाेल्न रोक लगाएको हो । यसका साथै उहाँ आफैले चलाउने कार्यक्रममा पनि मुद्दासँग सम्बन्धित कुरा गर्न नपाउने आदेश अदालतले दिएको हो । 

जिल्ला अदालत चितवनका न्यायाधीश हेमन्त रावलको एकल इजलासले यस्तो आदेश दिएको हो । मुद्दा अहिले पनि विचाराधीन अवस्थामा रहेको र यसको अन्तिम टुंगो नलाग्दासम्म मुद्दासँग सम्बन्धित पीडित, प्रहरी, अदालत, मुद्दाका साक्षीको बयान लगायतका बारेमा सार्वजनिक सञ्चार माध्यम तथा सामाजिक सञ्जालमा पनि आफ्नो धारणा राख्न नपाउने आदेशमा भनिएको छ ।

यसका साथै नेपाल छाड्न समेत रोक लगाइएको छ । गम्भीर बिरामी भएर विदेशमा उपचार गराउन जानै पर्ने भए अदालतको अनुमतिमा मात्रै जान सकिने पनि उल्लेख छ । 

अदालतले त्यही प्रकरणमा पक्राउ परेका युवराज कँडेललाई तीन लाख धरौटी र रुकु भनिने अस्मिता कार्कीलाई साधारण तारेखमा रिहा गर्न आदेश दिएको छ ।गएको साउन २० गते चितवनको कंगारु होटलमा पत्रकार पुडासैनी झुण्डिएको अवस्थामा फेला परेका थिए । 

आत्महत्या गर्नुपूर्व पुडासैनीले मोबाइलमा रेकर्ड गरेको भिडियोमा आफूलाई लामिछाने, कँडेल र अस्मिताले आत्महत्या गर्न बाध्य बनाएको बताएका थिए । भिडियो सार्वजनिक भएपछि साउन ३० मा तीनै जनालाई प्रहरीले पक्राउ गरी अनुसन्धान अघि बढाएको थियो । 

१० दिन हिरासतमा राखेर अनुसन्धान गरेपछि प्रहरीले आइतबार सरकारी वकिल कार्यालयमा अनुसन्धान प्रतिवेदन बुझाएको थियो । 

अन्तिम अपडेट: फागुन १२, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • Hari

    Aug. 27, 2019, 3:03 a.m.

    अरु सबै भ्रष्टहरु पुडासैनी प्रकरण मा जे पनि बोल्न हुने रबी लामिछाने आफुमाथि लागेको झुटो आरोप को बारेमा बोल्न पाउने की नपाउने??????

  •  0 Reply

तपाईको प्रतिक्रिया

समाचार

लोकप्रिय

१

रोकिएको विदेशी सहायता दुई दिनभित्र शुरू गर्न अमेरिकी प्रशासनलाई अदालतको आदेश

२

झन्डै ७० करोड रुपैयाँमा ‘गोल्ड कार्ड’ भिसा दिने अमेरिकी राष्ट्रपति ट्रम्पको घोषणा

३

भारतको केआईआईटीका विद्यार्थीले त्रिभुवन विश्वविद्यालयमा पढ्न पाउने

४

सरकारको स्वीकृतिमै घिसिङ भारत गएको प्राधिकरणको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई