कश्मीर कहिले पाकिस्तानकाे थियाे र यसलाई लिएर राेइरहेकाे छ?: भारतीय रक्षा मन्त्री सिंह

 भदौ १२, २०७६ बिहिबार २०:४२:३३ | उज्यालो सहकर्मी
unn.prixa.net

कश्मीरमा धारा ३७० हटाइएपछि रक्षा मन्त्री राजनाथ सिंह बिहीबार पहिलो पटक लद्दाख पुगे । उनले लेह जिल्लामा डीआरडीओको २६ औँ किसान–जवान विज्ञान मेलाको उद्घाटन गरे । 

त्यही अवसरमा उनले पाकिस्तानलाई निशाना बनाउँदै भने, ‘म पाकिस्तानलाई सोध्न चाहन्छु कि कश्मीर तपाईँहरुसँग कहिले थियो, जसलाई लिएर रोइरहनु भएको छ ? पाकिस्तान पनि त भारतबाट छुट्टिएर बनेको हो ।’

रक्षा मन्त्री सिंहले पाकिस्तानलाई कश्मीर मुद्दामा हस्तक्षेप गर्ने अधिकार नभएको बताएका छन् । ‘हामी पाकिस्तानको उपस्थितिलाई सम्मान गर्छौ तर यसको अर्थ यो होइन कि उसले कश्मीर विषयमा बयान गर्दै बसोस्’, उनले भने । 

साथै मन्त्री सिंहले पाकिस्तानले पीओके र गिलगिट–बाल्टिस्तानमा गैरकानुनी तरिकाबाट कब्जा गरेको र त्यहाँका नागरिकमाथि भैरहेको मानवाधिकारका बारेमा ध्यान दिनुपर्ने बताए । 

राजनाथ सिंहले भारतले पाकिस्तानसँग राम्रो छिमेकीको सम्बन्ध राख्न चाहेको तर यसका लागि पाकिस्तानले पहिला भारतविरुद्ध आतंकवादको प्रयोग गर्न बन्द गर्नुपर्नेमा जोड दिए ।

कश्मीर पहिले स्वतन्त्र देशका रुपमा रहेकाे थियाे ।  भारत-पाकिस्तान विभाजनसँगै कश्मीरकाे एक भाग भारतसँग विलय भएकाे थियाे भने अर्काे भाष आजाद कश्मीर अर्थात पाकिस्तान प्रशासित कश्मीरका रुपमा रहेकाे छ ।

अन्तिम अपडेट: फागुन २९, २०८०

तपाईको प्रतिक्रिया