एक वर्षमै चार लाख जनाभन्दा धेरै पर्यटक मुस्ताङ पुगे
बैशाख ७, २०८१ शुक्रबार
काठमाण्डौ – नेपाल कम्युनिष्ट पार्टीका अध्यक्ष पुष्पकमल दाहालले नेपालको आर्थिक विकासमा लगानी गर्न चीन सरकार, चिनियाँ व्यापारी तथा लगानीकर्ताहरुलाई आह्वान गर्नुभएको छ ।
चिनियाँ दूतावासले शनिबार राजधानीमा गरेको नेपाल–चीन व्यापारसम्बन्धी कार्यक्रमलाई सम्बोधन गर्दै अध्यक्ष दाहालले राजनीतिक स्थायीत्व कायम भएसँगै लगानी मैत्री वातावरण पनि निर्माण भएकाले निर्धक्क भएर नेपालमा लगानी गर्न आह्वान गर्नुभएको हो ।
अध्यक्ष दाहालले नेपाल सरकारले मुलुकको आर्थिक विकासलाई समृद्धिको नयाँ यात्रामा रुपान्तरण गर्न चाहेको बताउँदै चिनियाँ सरकार, जनता र लगानीकर्ताबाट नेपालको आर्थिक वृद्धिको लागि सहयोग हुने कुरामा सरकार र नेपाली जनताले ठूलो अपेक्षा राखेको बताउनु भयो ।
उहाँले नेपाल सधैँ एक चीन नीतिमा दृढ रहेको र नेपाली भूमिलाई कुनै पनि अवस्थामा चिनियाँविरुद्ध प्रयोग गर्न नदिने प्रतिबद्धता पनि गर्नुभयो । नेपालका राष्ट्रप्रमुख र सरकार प्रमुखबाट भएको चीनको राजकीय भ्रमणको प्रतिफल नै दुई देशबीचको सहयोग आदानप्रदानको आधारशीला भएको दाहालले स्पष्ट पार्नुभयो ।
कार्यक्रममा उपराराष्ट्रपति नन्दबहादुर पुनले नेपालको पूर्वाधार विकासमा चीन र नेपाल सरकारको सहकार्यमा सार्वजनिक, निजी साझेदारी मोडलमा काम अघि बढाउनु पर्ने आवश्यकता रहेको औँल्याउनु भयो ।
त्यस्तै कार्यक्रममा चीनका लागि नेपालका राजदूत लीलामणि पौडेलले पछिल्लो समय नेपाल–चीनबीच राजनैतिक, आर्थिक, सामाजिक तथा सांस्कृतिक र जनस्तरका सम्बन्धहरु विस्तार हुँदै गएको बताउनु भयो । कार्यक्रममा सातै प्रदेशका मुख्यमन्त्री, राजनीतिक दलका नेता तथा व्यवसायीहरु सहभागी छन् ।