जिल्ला अस्पताल रसुवामा डेंगीको परीक्षण सुरु: एक जनामा संक्रमण भेटियाे

भदौ २६, २०७६ बिहीबार १८:३७:७ | उज्यालो सहकर्मी

रसुवा - डेंगीको प्रकोप बढ्दै गएपछि रसुवामा पनि बिहीबारदेखि डेंगीको परीक्षण सुरु भएको छ ।

जिल्ला अस्पताल रसुवाले र्‍यापिड डायग्नोष्टिक टेष्ट किट (द्रुत निदान परीक्षण संयन्त्र) ल्याएर बिहीबार सात जना बिरामीको परीक्षण गरेको हो । सात जनामध्ये एक जनामा डेंगी देखिएको अस्पतालले जनाएको छ ।

रसुवा जिल्ला अस्पतालमा परीक्षणका क्रममा डेंगी देखिएका बिरामी चितवनस्थित आफ्नो घर पुगेर आएका थिए । उनी सशस्त्र प्रहरीको जवान भएको अस्पतालले जानकारी दिएको छ । उनको नाम भने सार्वजनिक भएको छैन ।

त्यसैगरी रसुवाकाे कालिका गाउँपालिका–२, कालिकास्थानका ङङ्गप्रसाद आचार्यलाई डेंगी लागेको पुष्टि भएको छ । डेंगीको लक्षण देखिएपछि उहाँलाई बुधबार काठमाण्डाैकाे ग्राण्डी अस्पताल लगिएकामा अस्पतालले डेंगीकाे संक्रमण भएकाे पुष्टि गरेको हाे ।

अन्तिम अपडेट: फागुन १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्