सिटी एक्सप्रेसकाे ‘न यति न उति, सिधै लखपति’ योजना सार्वजनिक

भदौ ३१, २०७६ मंगलबार १९:८:२९ | उज्यालो सहकर्मी

काठमाण्डाै - सिटी एक्सप्रेस मनी ट्रान्सफरले नेपालीहरुको महान पर्व दशैँ, तिहार र छठ पर्वलाई लक्षित गर्दै ‘लखपति एक्सप्रेस २०७६- न यति न उति, सिधै लखपति’ उपहार योजना ल्याएको छ ।

आफ्ना उपभोक्ताहरुसँग पर्वको खुशी साट्न सिटी एक्सप्रेसले लगातार ९० दिनसम्म चल्ने उपहार योजना घोषणा गरेको हो ।

सिटी एक्सप्रेसको यो उपहार योजनाअन्तर्गत 'लक्की ड्र' मार्फत उपभोक्ताहरुले दैनिक १० जनाले दुई सय रुपैयाँको मोबाइल टप अप जित्न सक्नेछन् । त्यसैगरी साप्ताहिक रुपमा १ जनाले १० हजार र हरेक महिना 'लक्की ड्र' मा विजयी हुने एक जनालाई एक लाख रुपैयाँ उपहारस्वरुप प्रदान गरिने छ ।

उपहार योजनाको अन्त्यमा एक जना भाग्यशाली विजेताले बम्पर उपहार १० लाख जित्न सक्नेछन् । कम्पनीका अनुसार दैनिक, साप्ताहिक तथा मासिक विजेताहरुसमेत बम्पर उपहारका लागि सहभागी हुन सक्नेछन् ।

कम्पनीका अनुसार ‘लखपति एक्सप्रेस २०७६- न यति, न उति सिधै लखपति’ अफर असोज १ गतेदेखि मंसिर ३० गतेसम्म लागू हुनेछ । यो अवधिभरि सिटी एक्सप्रेसमार्फत पैसा पठाउने सम्पूर्ण सेवाग्राही यो उपहार योजनामा सहभागी हुनेछन् । उपहारको विजेता छनोट गर्दा विद्युतीय प्रणालीद्वारा गरिनेछ ।

यो योजना सिटी एक्सप्रेसमा कार्यरत कुनै पनि व्यक्तिलाई लागु हुनेछैन ।

अन्तिम अपडेट: फागुन १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्