नेपाल वायु सेवा निगमले ज्येष्ठ नागरिकलाई हवाई भाडामा ५० प्रतिशत छुट दिन थाल्यो

 असोज १, २०७६ बुधबार १६:२१:३० | उज्यालो सहकर्मी
unn.prixa.net

फाइल फाेटाे

काठमाण्डौ – नेपाल वायु सेवा निगमले ज्येष्ठ  नागरिकका लागि आन्तरिक उडानमा छुट दिन थालेको छ ।

निगमले ७० वर्ष नाघेका ज्येष्ठ  नेपाली नागरिकका लागि असोज १ गतेदेखि आन्तरिक उडानको भाडामा ५० प्रतिशत छुट दिन थालेको हो । निगमका सह–प्रवक्ता सुलेख मिश्रका अनुसार ज्येष्ठ  नागरिकले ७० वर्ष पुगेको प्रमाणित कागजात उपलब्ध गराएपछि निगमले ५० प्रतिशतको छुटको टिकट उपलब्ध गराउनेछ ।

संस्कृति, पर्यटन तथा नागरिक उड्डयन मन्त्री योगेश भट्टराईले घोषणा गरेका कार्यक्रमहरुमध्ये ज्येष्ठ नागरिकलाई आन्तरिक उडानमा ५० प्रतिशत छुट दिने उल्लेख थियो ।

नेपाल वायु सेवा निगमले क्यान्सर पीडित बिरामीहरुलाई पनि निःशुल्क र छुटको टिकट उपलब्ध गराउँदै आएको छ ।

अन्तिम अपडेट: चैत १५, २०८०

तपाईको प्रतिक्रिया