बागेश्वरी मन्दिरको समग्र अवस्था सार्वजनिक

असोज ४, २०७६ शनिबार १२:४९:२७ | उज्यालो सहकर्मी

बाँके – बागेश्वरी मन्दिर गुठी व्यवस्थापन समितिले शनिबार मन्दिरको समग्र अवस्था सार्वजनिक गरेको छ ।

कार्यक्रममा मन्दिरको सम्पत्ति र आय व्यय विवरण सार्वजनिक गरेको हो । मन्दिरको भेटीसमेत सार्वजनिक गरिएको छ ।

नेपालगञ्ज उप–महानगरपालिकाका प्रमुख डा. धवल शम्शेर राणाको अध्यक्षतामा समिति गठन भएको दुई वर्षपछि आर्थिक पारदर्शिताका सवालमा महत्वपूर्ण निर्णय भएको हो ।

दुई वर्ष पहिले विद्युत महसुल १७ लाख रुपैयाँ बुझाउन नसकेको समितिले दुई वर्षको बीचमा विद्युत महसुल बुझाएर १२ लाख फिक्स डिपोजिट बाहेक २१ लाख रुपैयाँ बैंकमा जम्मा भएको समितिका अध्यक्ष डा. राणाले जानकारी दिनुभयो ।

लामो समयपछि मन्दिरको आय व्ययसँगै सम्पत्ति विवरण सार्वजनिक भएपछि मन्दिरको पारदर्शिताको सन्दर्भमा महत्वपूर्ण उपलब्धि भएको नागरिक समाजका अगुवाको भर्ना छ ।

समितिका सचिव गोपालप्रसाद अधिकारीले नियमित सन्ध्याकालीन आरती सञ्चालनका लागि तयारी भइरहेको जानकारी दिनुभयो । समितिले बागेश्वरीको नाममा भएको जग्गा समेत सार्वजनिक गरेको छ । साविक इन्द्रपुर गाविसमा रहेको ८४ बिघा जग्गा रैतान नम्बरी कायम भई ३०० जनाभन्दा बढीको नाममा नामसारी भएको समितिका सदस्य नेपालगञ्ज उप–महानगरपालिकाका उपप्रमुख उमा थापा मगरले बताउनुभयो ।

बागेश्वरी मन्दिरको चल अचल सम्पत्ति खोजबिन तथा संरक्षण उपसमितिका संयोजक मगरका अनुसार हाल खजुराखुर्दमा मन्दिरको नाममा ३ बिघा १६ कठ्ठा र परस्पुरमा ३ कठ्ठा १ धुर जग्गा देखिएको छ । मन्दिर रहेको स्थानमा एक बिघा १८ कठ्ठा जग्गा हेको छ ।

कार्यक्रममा प्रदेशसभा सदस्य आईपी खरेल र कृष्ण केसी, गुठी संस्थानका अध्यक्ष मिनराज चौधरीलगायतले विभिन्न सुझाव दिनुभयो ।

सम्बन्धित समाचार

बागेश्वरी मन्दिरको ८४ बिघा जग्गा बिक्री प्रकरण : थप अनुसन्धान हुँदै

बाँकेको बागेश्वरी मन्दिर विवादः 'सपिङ कम्प्लेक्स बन्न लागेको होइन'

अन्तिम अपडेट: फागुन १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्