चट्याङ र करेण्ट लागेर पर्साका छुट्टा-छुट्टै ठाउँमा दुई जनाकाे ज्यान गयाे

असोज ५, २०७६ आइतबार १४:३४:३३ | उज्यालो सहकर्मी

पर्सा - आइतबार बिहान परेको चट्याङका कारण पर्सामा एक जनाको ज्यान गएको छ ।

बहुदरमाई नगरपालिका वडा नम्बर-२, बैरिया विर्ता बस्ने अन्दाजी ३५ वर्षीय माधव रामको चट्याङ लागेर ज्यान गएको जिल्ला प्रहरी कार्यालय पर्साले जनाएको छ । पानी परेको बेला खेतमा गएका राम चट्याङ लागेर घाइते भएका थिए । विरगञ्ज हेल्थ केयरमा उपचार भइरहेकाे घाइते रामको उपचारका क्रममा ज्यान गएको पर्साका प्रहरी प्रवक्ता तथा प्रहरी नायब उपरीक्षक अनन्तराम शर्माले जानकारी दिनुभयो ।

मृतका रामकाे शव पोष्र्टमार्टमका लागि नारायणी अञ्चल अस्पताल विरगञ्जमा राखिएको छ ।

यसैगरी, विरगञ्ज महानगरपालिका वडा नम्बर-१२, मूलीमा डेरा गरी बस्ने २४ वर्षीया अनितादेवी साहको करेन्ट लागेर ज्यान गएको छ ।शनिबार राति सवा १० बजे पंखा चलाउन खोज्दा साहलाई करेन्ट लागेको जिल्ला प्रहरी कार्यालय पर्साले जनाएकाे छ ।

करेण्ट लागेर घाइते भएकी साहलाई उपचारका लागि नारायणी अस्पताल लैजाँदै गर्दा बाटाेमै ज्यान गएको हो । मृतक साहकाे शव पोष्टमार्टम गरी आफन्तलाई जिम्मा लगाइएको पर्सा प्रहरीले जनाएको छ ।

अन्तिम अपडेट: माघ २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्