अग्रिम टिकट बुकिङ खुले पनि यात्रुले भाेग्ने गरेकाे असुविधामा सुधार नआएकाे गुनासाे

असोज ५, २०७६ आइतबार २०:१३:३७ | उज्यालो सहकर्मी

काठमाण्डौ – काठमाण्डौको गोंगबुमा रहेको नयाँ बसपार्कमा आइतबार अरु दिनभन्दा धेरै भिडभाड थियो ।

सरकारले दशैंमा उपत्यकाबाट बाहिरिने यात्रुको लागि आइतबारदेखि टिकट बुकिङ खुला गरेपछि नयाँ बसपार्कमा रहेका टिकट काउण्टरमा एक्कासी भिड बढेको हो ।

आइतबारबाट लामो दुरीमा चल्ने बसको अग्रिम टिकट बुकिङ खुला भएपछि दशैँमा घर जानेहरु लाइन बस्न बाध्य छन् ।

नयाँ बसपार्कसँगै कलंकी, बल्खु, पुरानो बसपार्क, कोटेश्वर, तिलगंगा, चाबहिल, स्वयम्भू, सुन्धारा, नागढुंगा, जगाती, लगनखेललगायतका स्थानबाट पनि अग्रिम टिकट बुकिङ खुला गरिएपछि यहाँका काउण्टरमा पनि चाप बढेको छ ।

दशैँमा झण्डै २० देखि ३० लाखले काठमाण्डौ छाड्ने अनुमान गरिएको छ । यसरी घर फर्किनेमा अधिकांश सार्वजनिक यातायातकै प्रयोग गर्नेहरु हुन्छन् । तर लामो दुरीका सार्वजनिक बस सीमित संख्यामा हुँदा दशैँमा घर जाने यात्रुले असहजता झेल्दै आइरहेका छन् ।

विगतदेखि नै यात्रुहरुले यस्तो असुविधा झेल्ने गरेका भए पनि यसमा सुधार आउन सकेको छैन । लामो दुरीको यात्राका लागि आइतबारबाट टिकट बुकिङ खुला भए पनि नजिकका जिल्लाका लागि भने आउँदो १० गतेबाट खुल्ने जनाइएको छ ।

आइतबारबाट लामो दुरीको लागि टिकट बुकिङ खुले पनि लिन सहज नभएको यात्रुहरुले गुनासो गरेका छन् ।

अन्तिम अपडेट: फागुन ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्