पूर्व प्रेमिका भेट्न गएका प्रहरीसहित दुई जनाविरुद्ध अपहरणको मुद्दा

असोज ६, २०७६ सोमबार १८:४२:५७ | उज्यालो सहकर्मी

कैलाली – धनगढी उपमहानगरपालिका–११ घोडसुवामा पूर्व प्रेमिकालाई भेट्न गएका र उनका सहयोगीविरुद्ध अपहरणको मुद्दा दर्ता भएको छ ।

घोडसुवाकी विवाहित युवतीलाई भेट्न गएका कञ्चनपुरको कृष्णपुर नगरपालिका वाणीका राजेश डगौरा र उनलाई सहयोग गर्न गएका कैलालीको घोडाघोडी नगरपालिका–११ का वीरेन्द्र चौधरीविरुद्ध अपहरणको मुद्दा दर्ता भएको हो ।

दुवै जनाविरुद्ध यौन दुर्व्यवहार, अपहरण र शरीर बन्धकमा मुद्दा दर्ता भएको जिल्ला प्रहरी कार्यालय कैलालीले जनाएको छ । चौधरी प्रहरी जवानसमेत रहेको खुलेको छ । ती युवतीसँग विगतमा डगौराको प्रेम सम्बन्ध रहेको र उनलाई भेट्न जाँदा गाउँलेले बाँधेर राखेको अवस्थामा जिल्ला प्रहरी कार्यालय कैलालीले पक्राउ गरेको थियो ।

उनीमाथि गाउँलेहरुले कुटपिट समेत गरेका थिए । यता घोडसुवाका स्थानीयले भने युवतीलाई अपहरण शैलीमा लैजान खोजेपछि समातेर प्रहरीको जिम्मा लगाएको र यौन दुर्व्यवहार, अपहरण र शरीर बन्धकमा मुद्दा दर्ता गरेको बताएका छन् ।

युवतीको विवाह विक्रम संवत २०७५ जेठमा भएको थियो । डगौरा पनि विवाहित हुन् । यता डगौराका परिवारले भने युवतीका गाउँलेहरुले कुटपिट गरेको भन्दै कुटपिटमा मुद्दा दर्ता गर्ने तयारी गरेका छन् ।

अन्तिम अपडेट: फागुन १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्