हेटाैँडामा बसकाे ठक्करबाट पैदल यात्रुकाे ज्यान गयाे

असोज ९, २०७६ बिहिबार ११:५२:७ | उज्यालो सहकर्मी

मकवानपुर – हेटौँडा उपमहानगरपालिका–१० काे राप्ती पुल नजिक बसको ठक्करबाट एक जना पैदल यात्रुको ज्यान गएको छ । बिहीबार बिहान तीन बजेतिर सिलगुडीबाट काठमाण्डौ जाँदै गरेको ना ५ ख ७९४२ नम्बरको बसले ठक्कर दिँदा पैदल यात्रुको ज्यान गएको हो ।

ज्यान गुमाउनेको परिचय खुल्न नसकेको जिल्ला प्रहरी कार्यालय मकवानपुरका प्रहरी उपरीक्षक (एसपी) मुकेशकुमार सिंहले जानकारी दिनुभयो । बसले ठक्कर दिएका यात्रुको घटनास्थलमै ज्यान गएको थियो ।

घटनापछि मकवानपुरबाट खटिएको प्रहरी टोलीले बसका चालक झापा दमक नगरपालिका–१० का ३५ वर्षीय सुदन श्रेष्ठलाई पक्राउ गरेको छ ।

अन्तिम अपडेट: चैत २१, २०८०

हेटाैँडामा बसकाे ठक्करबाट पैदल यात्रुकाे ज्यान गयाे

तपाईको प्रतिक्रिया