नेपालगञ्जमा गुड्न थाले नगरबस

असोज १५, २०७६ बुधबार १७:५०:३४ | उज्यालो सहकर्मी

बाँके – नेपालगञ्ज उप–महानगरपालिकाले खरिद गरी ल्याएका नगर बसहरु बुधबारदेखि सडकमा गुड्न थालेका छन् ।

नेपालगञ्ज–कोहलपुर सडकखण्डमा बुधबार परीक्षणका लागि बसहरु गुडाइएको हो । बसहरु मुख्यमन्त्री शंकर पोख्रेलले असोज १८ गते नगरबसको औपचारिक सेवा शुभारम्भ गर्ने कार्यक्रम रहेको नेपालगञ्ज उप–महानगरपालिकाका मेयर डा. धवल शमशेर राणाले जानकारी दिनुभयो ।

गएको असारमै बसहरु खरिद गरी ल्याइएको भए पनि रुट परमिटलगायतको तयारीका कारण सञ्चालनमा ढिलाइ भएको हो ।

बसमा महिलाहरुलाई सहचालकको रुपमा राखिएको छ । नगर बस महिला लक्षित कार्यक्रमअन्तर्गत सञ्चालन गर्न लागिएको हो । तीन करोड ४५ लाख रुपैयाँमा सात वटा बस खरिद गरेको हो ।

अन्तिम अपडेट: चैत ३०, २०८०

नेपालगञ्जमा गुड्न थाले नगरबस

तपाईको प्रतिक्रिया