प्रधानाध्यापकलाई कामकाज गर्न दिन परमादेश

असोज १७, २०७६ शुक्रबार २०:१९:५६ | उज्यालो सहकर्मी

खोटाङ - उच्च अदालत विराटनगर अस्थायी इजलास ओखलढुंगाले खोटाङको हलेसी तुवाचुङ नगरपालिका–४ बडहरेमा रहेकाे लक्ष्मी माविका नवनियुक्त प्रअ नयनकुमार राईलाई विनाअवरोध कामकाज गर्न दिन विपक्षीलाई परमादेश जारी गरेको छ ।

प्रधान अध्यापक नियुक्तिको निर्णयलाई हस्तक्षेप गरेको भन्दै व्यवस्थापन समितिका अध्यक्ष शेषकुमार पौडेल र प्रधान अध्यापकले मुद्धा दर्ता गरपछि अदालतले आउँदाे कात्तिक ६ गतेसम्मका लागि नवनियुक्त प्रधान अध्यापक राईलाई शैक्षिक तथा प्रशासनिक कामकाज गर्न दिन तथा कुनै बाधा अवरोध नगर्न हलेसी तुवाचुङ नगरपालिकालाई उत्प्रेषण मिश्रित परमादेश दिएको हो ।

न्यायाधीश गणेशप्रसाद बरालको एकल इजलासले दुवै पक्षको भनाइ बुझेर अन्तरिम आदेशको छलफल गर्नुपर्ने भएकाले कात्तिक ६ गते उपस्थित हुन पेशीको तारेख तोकेको र त्यस अवधिसम्मका लागि नवनियुक्त प्रधान अध्यापकलाई कामकाज गर्न दिन परमादेश जारी गरेको हो । अदालतले छलफल गरेर अर्को निर्णयको टुंगो नलोसम्मका लागि प्रधान अध्यापक नियुक्तिको निर्णय कार्यान्वयन नगर्न नगरपालिका र वडा कार्यालयले पठाएको पत्रलाई यथास्थितिमा राख्न भनेको छ ।

प्रधान अध्यापक नियुक्तिमा हस्तक्षेप गरेको भन्दै उनीहरुले नगरपालिकाको कार्यालय, मेयर इवन राई, निमित्त प्रमुख प्रशासकीय अधिकृत शेखर ढकाल, वडा कार्यालय बडहरे र वडाध्यक्ष किशोर बस्नेत विरुद्ध असोज ९ गते उत्प्रेरणा मिश्रित परमादेश शीर्षकको मुद्धा दर्ता गरेका थिए ।

अन्तिम अपडेट: फागुन १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानाध्यापकलाई कामकाज गर्न दिन परमादेश

फाइल तस्बिर

तपाईको प्रतिक्रिया