कैदीबन्दीलाई दशैँ मनाउन नगरपालिकाले दियाे राँगा र खसी

 असोज १८, २०७६ शनिबार १३:२:१७ | उज्यालो सहकर्मी
unn.prixa.net

खोटाङ – दिक्तेल-रुपाकोट-मझुवागढी नगरपालिकाले कैदीबन्दीलाई दशैँका लागि राँगा र खसी प्रदान गरेको छ । 

दशैँ मनाउनका लागि नगरपालिकाले जिल्ला कारागार शाखा दिक्तेलमा जेल जीवन बिताइरहेका कैदीबन्दीलाई २८ हजार रुपैयाँ बराबरको राँगा र खसी खरिद गरिदिएको हो । 

नगरपालिकका मेयर दिपनारायण रिजालले उपलब्ध गराउनुभएको रकमबाट राँगा र खसी खरिद गरेर कैदीबन्दीलाई दिइएको जिल्ला कारागार शाखाका प्रमुख चित्राखर आचार्यले जानकारी दिनुभयो । 

कारागारमा अहिले दुई आश्रित बालबालिकासहित एक सय नौ जना कैदीबन्दी छन् । 

अन्तिम अपडेट: कात्तिक १४, २०७६

तपाईको प्रतिक्रिया