गाेरखाबाट ल्याइएकाे फूलपाती हनुमानढोकाकाे दशैँघरमा भित्र्याइयो

असोज १८, २०७६ शनिबार १८:३०:५२ | उज्यालो सहकर्मी

काठमाण्डाै - बडादशैँको सातौँ दिन आज काठमाण्डाैको हनुमानढोकामा रहेकाे दशैँघरमा गोरखाबाट ल्याइएको फूलपाती भित्र्याइएको छ ।

गोरखाबाट ल्याइएको फूलपाती हर्षोल्लासका साथ विधिपूर्वक काठमाण्डौको दशैँ घरमा भित्र्याइएको हो । पूजारीले फूलपातीकाे विधिपूर्वक पूजा आराधना गरी भित्र्याउँदा नेपाली सेनाको टुकडीले तोप पड्काएर हर्षबढाईँ गरेकाे थियाे ।

सम्बन्धित समाचार

गोरखाको फूलपाती मोटरमा राखेर हनुमानढोका दशैँघरमा पठाइयाे

परापूर्वकालदेखि नै काठमाण्डौको हनुमानढोकामा रहेकाे दशैँघरमा गोरखाबाट ल्याइएको फूलपाती भित्र्याउने गरिँदै आएकाे छ । पृथ्वीनारायण शाहले काठमाण्डौ उपत्यकामाथि विजय हासिल गरेर हनुमानढोका दरबारबाट राजकाज सुरु गरेसँगै गोरखा दरबारबाट फूलपाती ल्याउने प्रचलन सुरु भएको हो ।

गाेरखादेखि धादिङको जीवनपुरसम्म गोरखा दरबारका दशैँघरका पूजारीसहित मगरजातिका ६ जनाले ल्याउने र जीवनपुरबाट हनुमानढोकासम्म ब्राह्मण जातिका ६ जनाले सो फूलपाती ल्याउने प्रचलन भए पनि यस पाला भने गाेरखाबाटै माेटरमा ल्याइएकाे थियाे ।

अन्तिम अपडेट: फागुन ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्