राष्ट्रपतिलगायत विशिष्ट व्यक्तिहरुद्वारा विजयादशमीकाे शुभकामना प्रकट

असोज २१, २०७६ मंगलबार ६:४९:२० | उज्यालो सहकर्मी

काठमाण्डाै - विजयादशमीको अवसरमा राष्ट्रपति, प्रधानमन्त्री, मुख्यमन्त्री र विभिन्न दलका नेताहरुले शुभकामना दिनुभएको छ ।

राष्ट्रपति विद्यादेवी भण्डारीले विजयादशमीले सबै नेपालीलाई आ–आफ्नो क्षेत्रबाट न्याय र समानतासहितको सामाजिक–आर्थिक समृद्धि, सामाजिक एकता, आपसी सद्भाव र भ्रातृत्व अभिवृद्धिमा टेवा पुग्ने विश्वास गर्नुभएको छ ।

सुख, शान्ति र समृद्धिको कामना गर्दै दिनुभएको शुभकामना सन्देशमा राष्ट्रपति भण्डारीले चाडपर्वको सम्वर्द्धनबाट राष्ट्र र राष्ट्रियताप्रति अटल सम्मान एवं गहिरो प्रेमको भावना जागृत गर्न सहयोग पुग्ने बताउनुभएको छ ।

यस्तै प्रधानमन्त्री केपी शर्मा ओलीले चाडपर्वमा गच्छेभन्दा बाहिर गएर तडकभडक देखाउने प्रवृत्तिबाट मुक्त हुन आग्रह गर्नुभएको छ । उहाँले सामाजिक सु-सम्बन्ध र सु-प्रबन्धमा यस्ता चाडपर्वले विगतदेखि नै योगदान गर्दै आएको भन्दै यसरी नै योगदान गर्दै जाओस् भन्ने कामना गर्नुभएको छ ।

यस्तै नेपाली कांग्रेसका सभापति शेरबहादुर देउवाले धार्मिक र सांस्कृतिक पर्व विजया दशमी अन्यायमाथि न्यायको तथा असत्यमाथि सत्यको विजयको शाश्वत सन्देश दिने चाडका रुपमा मनाइँदै आएको दशैँको शुभकामना दिनुभएको छ ।

अन्तिम अपडेट: फागुन १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्