वन्यजन्तुबाट पीडित ६० जनालाई राहत वितरण

असोज २२, २०७६ बुधबार १३:४०:३१ | उज्यालो सहकर्मी

रसुवा – लाङटाङ राष्ट्रिय निकुञ्जले वन्यजन्तुबाट पीडित भएका ६० जनालाई राहत वितरण गरेको छ ।

निकुञ्ज क्षेत्रभित्र बसोबास गर्ने बासिन्दाको कृषि, पशु तथा मानिसलाई क्षति गरेमा राहत दिने व्यवस्था छ । २०६९ सालदेखि राहत वितरण कार्य सुरु भएको हो । त्यससता निकुञ्जले रसुवा, नुवाकोट र सिन्धुपाल्चोकका ६० जना पीडितलाई राहत वितरण गरेको जनाएको छ ।

वन्यजन्तुले क्षति गर्ने क्रम बढ्दै जाँदा निवदेन दिने पीडितको संख्या पनि बढ्दै गएको निकुञ्जका सूचना अधिकारी शिवलाल गैरेले बताउनुभयो । उहाँका अनुसार १ सय २० वटा निवेदनको सम्बोधन गर्न बाँकी छ ।

वन्यजन्तुबाट पीडित भएकालाई ७ वर्षमा ६ लाख रुपयाँ राहत दिइसकेको निकुञ्जले जनाएको छ । निकुञ्ज क्षेत्रमा वन क्षेत्र बढ्दै जाँदा मानवबस्ती नजिकै जंगली जनावर आउने क्रम पनि बढ्दै गएको देखिन्छ ।

पछिल्लो समय ग्यास चुल्हो तथा सुधारिएको चुल्होको प्रयोग बढ्दै जाँदा दाउरा सङ्कलन गर्ने क्रम घटेको छ भने घर निर्माण गर्दा काठको विकल्पमा फलामको प्रयोग गर्ने क्रम बढेको देखिन्छ । जसका कारण अहिले निकुञ्जमा जंगल बढेको छ ।

मानव वन्यजन्तु बीचको सहअस्थित्व कायम गर्नका लागि निकुञ्जले विभिन्न योजना अघि सारिएको उहाँले बताउनुभयो । धेरैजसो जंगली बदेलले बाली क्षति गरेको निवेदन आएको छ ।

वन्यजन्तुबाट हुने क्षतिको राहत सहयोग निर्देशिका २०६९ (दोस्रो संशोधन २०७४) अनुसार राहत वितरण गर्ने काम भइरहेको छ ।

हात्ती, गैडा, बाघ, भालु, चितुवा, हिउँ चितुवा, जंगली बदेल, ध्वासे चितुवा, जंगली कुकुर, अर्ना, मगर गोही, गौरीगाई र अजिंगरले क्षति गरेमा राहत पाउने निर्देशिकामा व्यवस्था छ ।

अन्तिम अपडेट: माघ २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्