खोलामा डुबेर गुल्मीमा दुई जना बेपत्ता

 असोज २८, २०७६ मंगलबार १८:०:४२ | उज्यालो सहकर्मी
unn.prixa.net

गुल्मी - गुल्मीमा मंगलबार दिउँसो खोला तर्ने क्रममा एक बालिकासहित दुई जना बेपत्ता बनेका छन् ।

मुसिकोट नगरपालिका–५, अन्तर्गत दोभान छल्दीमा खोला तर्ने क्रममा डुबेका तीन जनामध्ये एक जना बालकको सकुशल उद्धार गरिएको छ ।

खोला तर्ने क्रममा डुबेका ७ वर्षीय किसान विकलाई माछा मार्न गएका स्थानीयहरुले तत्काल उद्धार गर्न सफल भएका थिए भने उनीसँगै गएका २१ वर्षीय जीवन विक र ५ वर्षीया गरिमा विक अझै बेपत्ता छन् । खोलामा डुबेकाहरुको अहिले स्थानीयवासी र सुरक्षाकर्मीहरुद्वारा खोजी कार्य भैरहेको जिल्ला प्रहरी कार्यालय गुल्मीका प्रहरी उपरीक्षक(एसपी) राजेन्द्र सिंह खड्काले जानकारी दिनु भएको छ ।

उद्धार गरिएका बालक र डुबेर बेपत्ता बनेकाहरुकोे ठेगाना अझै खुल्न सकेको छैन । उनीहरु कहाँ जाँदै थिए भन्ने बारेमा समेत कुनै जानकारी प्राप्त नभएको प्रहरिले जनाएको छ । 

अन्तिम अपडेट: चैत १४, २०८०

तपाईको प्रतिक्रिया