अमेरिकी सेनालाई फिर्ता पठाउने प्रस्ताव इराकी संसदबाट पारित

पुष २०, २०७६ आइतबार २३:४:९ | एजेन्सी

काठमाण्डौ – इराकको संसदले एक प्रस्ताव पारित गर्दै सबै विदेशी सैनिकलाई देश छोड्न भनेको छ ।

ईरानी सैन्य कमाण्डर जनरल कासिम सुलेमानीको अमेरिकाले गएको शुक्रबार इराकको राजधानी बगदादमा हवाई आक्रमणमार्फत हत्या गरेको थियो ।

यो घटनापछि इराकको संसदले यो सबै विदेशी सैनिकलाई देश छोड्न भनेको हो । इराकमा अझै पाँच हजार अमेरिकी सैनिक रहेका छन् । संसदले सरकारलाई भनेको छ, ‘विदेशी बललाई इराकको जमिन, हवाई क्षेत्र र जलक्षेत्रको प्रयोग गर्नबाट रोकियोस् ।’

इराकको संसदले सरकारसँग अमेरिकी सेनाको सबै प्रकारको मद्दत बन्द गर्न भनेका छन् । अल–अरयिबाका अनुसार इराकी संसदको विशेष सत्रमा प्रधानमन्त्री अब्दुल महदीले जतिसक्दो चाँडो इराकबाट विदेशी सैनिकको उपस्थिति समाप्त गर्न भनेका छन् ।

प्रधानमन्त्री महदीले इराक आफै आफ्नो आन्तरिक र बाह्य समस्यासँग लड्नसक्ने बताए । उनले ईरानी सैन्य कमाण्डर मारिनु एक राजनीतिक हत्या भएको बताए ।

यद्यपि यो बाध्यकारी भने होइन । अमेरिकी सैनिकको उपस्थितिलाई भने यसले केही असर गर्ने छैन । यदि विदेशी सैनिकलाई इराक बाहिर गर्न चाहन्छ भने उसले सम्झौता समाप्त गर्ने नयाँ विधेयक ल्याउनु पर्ने हुन्छ ।

इराकका प्रधानमन्त्री महदीले भने, ‘इराकसँग दुई वटा विकल्प छन् । अमेरिकी सैनिकले देश छोड्न हामी तत्काल नयाँ विधेयक पास गर्नेछौँ या हामी अमेरिकी सैनिकलाई ट्रेडिङसम्म मात्र सीमित गर्नेछौँ’ ।’

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्