हिउँ परेसँगै इलाममा चिसो बढ्यो

फागुन १४, २०७६ बुधबार २०:५१:४ | सुजता सुनुवार

इलाम – इलामको सन्दकपुर गाउँपालिकाको विभिन्न क्षेत्रमा हिउँ परेसँगै चिसो बढेको छ ।

दुई दिनदेखि निरन्तर परेको पानीसँगै सन्दकपुर गाउँपालिकाको वडा नम्बर ४, ५ का विभिन्न ठाउँ , माईजोगमाई गाउँपालिकाको थुम्के लगायत जिल्लाका माथिल्लो भू भागमा हिउँ परेसँगै चिसो बढेको हो ।

चिसोका कारण स्थानियलाई दैनिक गर्दै आएका काम गर्न असहज भएको स्थानीय दिनेश ढकालले बताउनु भयो । उहाँका अनुसार, बालबालिका ,वृद्धवृद्धा र सुत्केरीलाई चिसोका कारण समस्या भएको छ ।

लेकाली क्षेत्रमा हिउँ परेपछि गाईवस्तुलाई घाँस काट्न र चराउन कठिनाइ भएको किसानहरुको भनाइ छ । माथिल्लो क्षेत्रमा परेको हिउँको प्रभावले जिल्लाभर नै जाडो बढेको छ ।

३६ सय ३६ फिट उचाइमा रहेको सन्दकपुर भारतसँग सिमा जोडिएको क्षेत्र हो । यहाँ नेपाल तर्फबाट भन्दा बढी भारत, बङ्गलादेशलगायत तेस्रो मुलुकबाट समेत पर्यटकको चहलपहल हुने स्थानीयको भनाइ छ । हिउँ परेसँगै पर्यटकको चहलपहल बढेको छ भने व्यवसायिक खेती गर्ने किसानलाई समेत पानीले राहत मिलेकोे किसान पवित्रा राईले बताउनु भयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्