पाकिस्तानमा विषाक्त धूवाँका कारण एकैदिन १५ हजार जनाभन्दा धेर...
कात्तिक २९, २०८१ बिहिबार
होम क्वारेन्टाइनमा बस्दा पालना गर्नुपर्ने १५ नियम
काठमाण्डाै - सरकारले विदेशबाट फर्किएका सबै नेपालीलाई १४ दिनसम्म घरमा छुट्टै बस्न अर्थात होम क्वारेन्टाइनमा रहन अनिवार्य गरेको छ ।
कोरोनाको लक्षण १४ दिनभित्र देखिने र सङ्क्रमित व्यक्तिमा लक्षण नदेखिइकनै उसको सम्पर्कमा रहेका व्यक्तिमा सर्ने जोखिम हुने भएकाले विदेशबाट फर्किएकालाई १४ दिन आफ्नै घर वा होटलमा छुट्टै बस्न अनिवार्य गरिएको हो ।
विदेशबाट फर्कनेलाई त्रिभुवन अन्तर्राष्ट्रिय विमानस्थलमा जाँच गरिन्छ । त्यहाँ ज्वरो देखियो भने सिधै अस्पताल पुर्याइन्छ। ज्वरो नदेखिएकालाई १४ दिनसम्म होम क्वारेन्टाइनमा बस्न सुझाव दिइन्छ ।
होम क्वारेन्टाइनको लागि विमानस्थलमै एउटा फारम भनुपर्छ । फारममा कहाँ बस्ने ? कसरी बस्ने ? एक्लै बस्ने कि साथीसँग बस्ने लगायतका सबै कुरा खुलाएर भर पर्नुपर्छ । त्यसैको आधारमा सरकारी निकायले उनीहरुको अनुगमन गर्ने व्यवस्था गरिएको छ ।
होम क्वारेन्टाइन अर्थात सेल्फ क्वारेन्टाइनमा कसरी बस्ने ?
१. हावा ओहोरदोहोर हुने कोठामा एक्लै बस्ने । अर्को व्यक्तिसँग बस्नुपरेमा कम्तिमा १ मिटर दूरी कायम गर्ने ।
२. छुट्टै बाथरूम र शौचालयको प्रयोग गर्ने । यो सम्भव नभएमा प्रयोग गरेपछि बाथरूम र शौचालय आफैं सफा गर्ने ।
३. आफू बस्ने कोठा आफैं सफा गर्ने ।
४. घरभित्र साझा रूपमा प्रयोग हुने ठाउँहरू जस्तै भान्सा, शौचालयमा आवातजावत कम गर्ने ।
५. स्वास्थ्य संस्था जान बाहेक अरु कामको लागि घर बाहिर ननिस्कने ।
६. नियमित रूपमा आफ्नो हात साबुनपानीले मिचीमिची २० सेकेन्डसम्म धुने, हात नधोइकन आँखा, नाक र मुख नछुने ।
७. आफूले प्रयोग गर्ने गिलास, कप, खाना खान प्रयोग हुने भाँडा, तौलिया, रुमाल, ओछ्यान वा अरु सामान साझा प्रयोग नगर्ने ।
८. अन्य व्यक्तिहरूसँगको प्रत्यक्ष सम्पर्क सकेसम्म कम गर्ने ।
९. अरु व्यक्तिहरूसँगको सम्पर्कमा आउनु पर्दा कम्तिमा १ मिटरको दूरी राख्ने र अर्को व्यक्तिसँग एउटै कोठामा हुँदा र स्वास्थ्य संस्था जाँदा मास्क लगाउने ।
१०. खोक्दा वा हाच्छ्यूँ गर्दा टिस्यु पेपर, रुमाल वा कुहिनाले नाकमुख छोप्ने ।
११.आफूले प्रयोग गरिएको टिस्यु पेपर, रूमाल, मास्क लगायतलाई छुट्टै फोहोर फाल्ने ठाउँमा फाल्ने । फालेपछि तुरून्तै कम्तिमा २० सेकेन्डसम्म हात साबुनपानीले मिचीमिची धुने ।
१२ .स्वास्थ्य तथा जनसंख्या मन्त्रालयबाट प्राप्त निर्देशनहरूको पालना गर्ने र आवश्यक सहयोगको लागि सधैं तयार रहने ।
१३. क्वारेन्टाइनमा रहँदा आफ्नो शरीरको तापक्रम दैनिक एक पटक जाँच्ने र दिईएको फारममा रेकर्ड राख्ने । निर्देशनअनुसार १४ दिनसम्म दैनिक स्वास्थ्य स्थितिबारे तोकिएको स्वास्थ्य निकायमा जानकारी दिने ।
१४. कुनै पनि स्वास्थ्य समस्या देखिएमा वा क्वारेन्टाइनमा बस्दा अरु केही समस्या भएमा तोकिएको स्वास्थ्य निकायबाट प्राप्त निर्देशनहरूअनुरूप गर्ने ।
१५. स्वास्थ्य तथा जनसंख्या मन्त्रालयसँग पूर्व अनुमति बिना क्वारेन्टाइन स्थानभन्दा बाहिर नजाने ।
(स्वास्थ्य तथा जनसंख्या मन्त्रालयका सहप्रवक्ता तथा स्वास्थ्य आपतकालीन तथा विपद व्यवस्थापन ईकाई प्रमुख सागर दाहालसँगको कुराकानीमा आधारित)
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
विना न्याैपाने
विना न्याैपाने उज्यालाेमा कार्यरत हुनुहुन्छ। 
2 Comments
समाचार
-
-
जी–२० शिखर सम्मेलनको तयारी भइरहेका बेला ब्राजिलको सर्वाेच्च अ...
कात्तिक २९, २०८१ बिहिबार
-
जाडाे छल्नका लागि चितवनमा ४० वटाभन्दा धेरै प्रजातिका चरा भित्रिए
कात्तिक २९, २०८१ बिहिबार
-
७ ओभरकाे खेलमा अस्ट्रेलियाले पाकिस्तानलाई २९ रनले हरायो
कात्तिक २९, २०८१ बिहिबार
-
विश्वकपमा छनोट भएको यू–१९ महिला क्रिकेट टोलीका सदस्यलाई क्यान...
कात्तिक २९, २०८१ बिहिबार
-
गणेश हिमालको आधार शिविर नजिक बिरामी परेका दुई जनाको हेलिक...
कात्तिक २९, २०८१ बिहिबार
-
गौतमबुद्ध अन्तर्राष्ट्रिय विमानस्थलमा आज एकैदिन ४ वटा अन्तर्राष्ट्र...
कात्तिक २९, २०८१ बिहिबार
-
बङ्गलादेशलाई बिजुली बिक्रीको उद्घाटन तीन वटा देशका मन्त्रीले गर्ने
कात्तिक २९, २०८१ बिहिबार
-
लगातार दुई दिन घटेको शेयर बजार आज बढ्यो, १० अर्ब रुपैयाँभन्द...
कात्तिक २९, २०८१ बिहिबार
-
प्राधिकरणले भोलि बङ्गलादेशलाई ४० मेगावाट बिजुली बिक्री गर्ने,...
कात्तिक २९, २०८१ बिहिबार
-
न्युरोडमा बिजुलीका पोल र तार हटाइँदै
कात्तिक २९, २०८१ बिहिबार
-
‘पूर्णबहादुरको सारङ्गी’ बन्यो सबैभन्दा धेरै कमाउने चलचित्र, १४...
कात्तिक २९, २०८१ बिहिबार
-
खुट्टा बाँधिएको अवस्थामा भक्तपुरमा महिला मृत फेला
कात्तिक २९, २०८१ बिहिबार
-
पहिलो पटक इजरायली रक्षा मन्त्रालयमा आक्रमण गरेको हिजबुल्लाहकाे...
कात्तिक २९, २०८१ बिहिबार
विचार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
-
जलवायु परिवर्तनप्रति सचेत छठ पर्वको वैज्ञानिक र पर्यावरणीय महत्त्व
कात्तिक २१, २०८१ बुधबार
-
डेङ्गी सङ्क्रमणको उच्च जोखिम कात्तिक मसान्तसम्म
कात्तिक २१, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
रत्न कार्की
March 21, 2020, 6 p.m.क्वारेन्टाइन भन्ने शब्द्द्लाइ एकान्त बास भन्दा कसो होला ।।।
Rajkumar lama
March 16, 2020, 1:46 p.m.सरकारले तोकेको होम क्वारेन्टाइनको तरिका १००% कार्यन्वयनमा आउँछ भन्नेमा शंका छ । किन भने बिदेशबाट फर्किने सबै जना सुुगममा बस्छ भन्ने छैन । कुनै दुर्गम ठाउँमा बस्ने मान्छेले सशर्त पालना गरौ भन्न सकिँदैन र सरकारले प्रत्यक्ष चिकित्सकको सम्पर्कमा/निगरानिमा राख्ने भन्नुु पनि कार्यन्वयनमा शंका गर्ने आधार हो । यदि सरकारले एयरपोर्टबाट नै फर्म भर्न लगाएर त्यो ब्यक्तिलाइ होम क्वारेन्टाइनमा पठाउनु भन्दा कुनै निश्चित ठाउमा रखेर निगरानि गर्नु गराउनु उचित होला । बिश्वलाई भन्दा/सुनाउदा के के न गरे जस्तो पुरै तयारि छ भन्नू अनि व्यवहार चाहिँ शून्य हुनु नेपाल सरकारको न्याय संगत छैन ।
Sagar muna
March 20, 2020, 7:35 a.m.नेपाल सरकारले नागरिकमा मेरो पनि सरकार छ भन्ने विश्वाश दिलाउनुपर्छ /