विभिन्न जिल्लामा रहेका इलामवासी तत्काल घर फर्कन नपाउने

वैशाख १३, २०७७ शनिबार १४:२:० | सुजता सुनुवार

इलाम – अध्ययन तथा रोजगारीकाे सिलसिलामा विभिन्न जिल्लामा रहेका इलामवासी लकडाउनका समयमा तत्काल घर फर्कन नपाउने भएका छन् ।

जिल्ला समन्वय समिति, स्थानीय प्रशासन र जिल्लाका १० पालिकाका प्रमुखहरूको संयुक्त बैठकले लकडाउनका बेला घर (जिल्ला) ल्याउन नपाइने निर्णय गरेकाले इलामबासी तत्काल घर फर्कन नपाउने भएका हुन् । शुक्रबार इलाम नगरपालिकाको सदरमुकाममा सम्पन्न बैठकले लकडाउनका समयमा जो जहाँ छन्, त्यहीँ रहन आग्रह गरेको छ ।

इलामकै बासिन्दा होस् वा अरू जो कोही, कसैलाई पनि इलाम ल्याउन जिल्ला प्रशासनले अनुमति नदिने निर्णय भएकाे प्रशासन प्रमुख जिल्ला अधिकारी तुलसीराम सेढाईंले बताउनुभयो । उहाँले भन्नुभयो, ‘इलाममा सीमित सार्वजनिक क्वरेण्टीन छ । जिल्लाबाहिरबाट आएका नागरिकलाई व्यवस्थापन गर्न कठिनाइ हुन्छ भन्दै यस्तो निर्णय गरिएको हो ।’

जिल्ला समन्वय समितिले गएको १० गते इलामका सबै पालिकालाई जिल्लाबाहिर रहेका बासिन्दाहरुको लगत सङ्कलन गर्न पत्रचार गरेको थियो । लगत सङ्कलन गर्दा फर्कनेको सङ्ख्या धेरै हुने पाइएको हो । व्यवस्थापन गर्न नसके कोरोना भाइरस (कोभिड–१९) को जोखिम बढेर जाने भएकाले लकडाउनलाई पालना गर्नैपर्ने प्रशासनले बताएकाे हाे ।

विभिन्न जिल्लाका मानिसहरु काठमाण्डौबाट आ–आफ्नो घर फर्कने क्रम बढेकाले काठमाण्डाै र अन्य जिल्लाबाट इलामबासीलाई घर ल्याउने भन्दै यसअघि सामाजिक सञ्जाल र अन्य माध्यमबाट सूचना गरिएको पाइएको थियो । अब सो सूचना समेत हटाउन स्थानीय प्रशासनले आग्रह गरेको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्