पाल्पा जिल्ला आज बिहानदेखि साेमबारसम्म बन्द

जेठ ३, २०७७ शनिबार ७:१०:४५ | मदन पौड्याल

पाल्पा - पाल्पा जिल्ला आज (शनिबार) बिहानदेखि पर्सि (सोमबार) सम्म बन्द गरिएको छ ।

छिमेकी जिल्लाहरु रुपन्द्रेही, कपिलवस्तु र नवलपरासीमा कोरोना सङ्क्रमणका बिरामी भेटिएपछि बन्द गरिएको जिल्ला प्रशासन कार्यालय पाल्पाका सूचना अधिकारी यज्ञेश्वर पन्थीले जानकारी दिनुभयो ।

कोरोना संकट व्यवस्थापन समितिको निर्णय अनुसार अर्को निर्णय नआएसम्म साेमबार मध्यरातसम्म बन्द गरिएको उहाँले बताउनुभयो । औषधी, एम्बुलेन्स, शववाहन लगायत अत्यावश्यक वस्तुको गाडी बाहेक कुनै पनि गाडी सञ्चालन नगर्ने र उद्योग व्यवसाय समेत बन्द गर्ने निर्णय भएको छ ।

यसैबीच कोरोना सङ्क्रमित भेटिए उनीहरुको उपचारका लागि १ सय २० शय्याको आइसोलेशन कक्ष तयार गरिने भएको छ । सम्बन्धित पालिकाको सहयोगमा रामपुर र तानसेन नगरपालिकामा ५०-५० शय्याको तथा रम्भा र रिब्दिकोट गाउँपालिकामा १०-१० शय्याको आइसोलेशन कक्ष तयार हुने भएको छ ।

यसअघि पाल्पा अस्पताल, लुम्बिनी मेडिकल कलेज, मिसन अस्पताल र रामपुर अस्पतालमा गरी ६२ शय्याको आइसोलेशन कक्ष तयार पारिएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मदन पौड्याल

उज्यालोमा कार्यरत मदन पौड्याल राजनीति, प्रशासन र समसामयिक विषयमा कलम चलाउनु हुन्छ। पौड्यालको भूकम्पपछिको पुनर्निर्माणमा दख्खल छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्