राप्ती नदीमा ट्र्याक्टर खस्याे : एककाे ज्यान गयाे, एक बेपत्ता

असार १, २०७७ सोमबार २०:३८:४२ | गोविन्द शर्मा

बाँके - बाँकेको राप्ती सोनारी गाउँपालिका २ अगैयामा सोमबार ट्र्याक्टर राप्ती नदीमा खस्दा एक जनाको ज्यान गएको छ ।

दुर्घटनामा अर्का एक जना बेपत्ता भएको जिल्ला प्रहरी कार्यालय बाँकेले जनाएको छ । दुर्घटनामा राप्ती सोनारी ३ का २६ वर्षीय चुर्णबहादुर थारुको शव सुरक्षाकर्मीले नदीबाट बाहिर निकालेका छन् ।

दुर्घटनामा ट्र्याक्टर चालक सुनिल चौधरी बेपत्ता हुनुभएकाे छ । चालक ना ७ त ५१८ नम्बरको ट्याक्टर दिउँसो अनियन्त्रित भएर सिक्टा सिँचाइ आयोजनाको मुल नहरको रुपमा रहेको पुलबाट नदीमा खसेको प्रहरीले जनाएको छ ।

बेपत्ताको खोजीकाे लागि सशस्त्र प्रहरी र नेपाल प्रहरीको टोली परिचालन गरिएको छ ।

अन्तिम अपडेट: बैशाख १३, २०८१

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

राप्ती नदीमा ट्र्याक्टर खस्याे : एककाे ज्यान गयाे, एक बेपत्ता

तपाईको प्रतिक्रिया