भोलिदेखि मोबाइल एप्स वा विद्युतीय माध्यमबाटै कर तिर्न सकिने

असार ३१, २०७७ बुधबार १५:४४:५३ | उज्यालो सहकर्मी

काठमाण्डाै – साना करदाताले बिहीबार अर्थात् साउन १ गतेदेखि मोबाइल एप्स या विद्युतीय भुक्तानीका अन्य माध्यमबाटै कर तिर्न सक्ने भएका छन् ।

वार्षिक २० लाख रुपैयाँसम्मको कारोबार र दुई लाख रुपैयाँसम्मको आय भएका करदाताले मोबाइल एप्स या विद्युतीय भुक्तानीका अन्य माध्यमबाटै कर तिर्न सकिने भएको हो । सरकारले आर्थिक वर्ष २०७७/७८ को बजेटमा घोषणा गरेको यो व्यवस्था साउन १ गतेदेखि नै कार्यान्वयन हुने भएको हो ।

यसको लागि नेपाल राष्ट्र बैंकले सबै बैंक तथा वित्तीय संस्थालाई निर्देशन दिइसकेको छ भने आय विवरण र कर दाखिला फारमको नमुना पनि सार्वजनिक गरेको छ । कर दाखिला गरेपछि चुक्ताको प्रमाणपत्र पनि यसअघि कर कार्यालयबाटै पाइनेमा अब जुन माध्यमबाट भुक्तानी गरेको हो, त्यो माध्यमबाटै लिन सकिनेछ ।

‘वार्षिक २० लाख रुपैयाँ कारोबार गर्ने र दुई लाख रुपैयाँ आय भएका करदाताले साउन १ गतेदेखि कर कार्यालय या बैंकसम्म धाउन पर्दैन, मोबाइल एप या अन्य माध्यमबाटै भुक्तानी गर्न सक्ने छन्’, आन्तरिक राजस्व विभागका महानिर्देशक विनोदबहादुर कुँवरले उज्यालो अनलाइनसँग भन्नुभयो ।

यसको लागि महालेखा नियन्त्रकको कार्यालय र आन्तरिक राजस्व विभागले सबै तयारी सकेर राष्ट्र बैंकलाई जानकारी गराएको र राष्ट्र बैंकबाट पनि सबै निकायलाई परिपत्र र जानकारी पुगिसकेको उहाँले जानकारी दिनुभयो ।

अन्तिम अपडेट: माघ ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्