आइतबार काठमाण्डौमा मात्रै ९० जनामा काेराेना पुष्टि

साउन २५, २०७७ आइतबार १६:४६:८ | उज्यालो सहकर्मी

काठमाण्डाै – पछिल्लाे २४ घण्टामा काठमाण्डौ उपत्यकामा मात्रै थप ९२ जनामा कोरोना भाइरसकाे सङ्क्रमण पुष्टि भएको छ ।

२४ घण्टामा काठमाण्डौमा ९० जना र ललितपुरमा दुई जनामा कोरोना पुष्टि भएको स्वास्थ्य तथा जनसङ्ख्या मन्त्रालयका प्रवक्ता डाक्टर जागेश्वर गौतमले जानकारी दिनुभयो ।

काठमाण्डौ उपत्यकामा पछिल्लाे केही हप्तायता कोरोना सङ्क्रमितको सङ्ख्या बढेसँगै सङ्क्रमणको जोखिम बढेको छ । उपत्यकाबाहिरबाट आएका केही व्यक्तिहरु कोरोना परीक्षणका लागि स्वाब दिएर सम्पर्कविहीन भएको र उनीहरुमा कोरोना सङ्क्रमण पुष्टि भएकोले थप जोखिम बढेको इपिडिमियोलोजी तथा रोग नियन्त्रण महाशाखाले जनाएको छ ।

काठमाण्डौ उपत्यकामा कोरोना सङ्क्रमण समुदायस्तरमा फैलिन थालेपछि सरकारले जोर–बिजोर प्रणाली लागू गर्नुका साथै विभिन्न सेवा पनि कटौती गरेको छ ।

बाक्लो र अव्यवस्थित बसोवास, वृद्धवृद्धा तथा जोखिमयुक्त वर्गहरु धेरै भएको, आर्थिक क्रियाकलाप धेरै हुने गरेकोले काठमाण्डौ उपत्यकामा कोरोना सङ्क्रमण फैलिएमा नियन्त्रणमा लिन कठिन हुने भन्दै विज्ञहरुले चिन्ता व्यक्त गरिरहेका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्