हेपाटाइटिस सी भाइरस पत्ता लगाउने तीन वैज्ञानिकलाई यस वर्षको चिकित्सातर्फको नोबेल पुरस्कार

असोज १९, २०७७ सोमबार १७:३३:२५ | एजेन्सी

काठमाण्डाै – सन् २०२० मा चिकित्सा क्षेत्रको प्रतिष्ठित नोबेल पुरस्कार विजेताको घोषणा गरिएको छ । यस वर्षको यो पुरस्कार हेपाटाइटिस सी भाइरसको खोजी गर्ने हार्भी जे अल्टर, माइकल हटन र चार्ल्स एम राइसलाई दिइने भएको हो ।

नोबेल विश्वको सर्वाेच्च पुरस्कार हो, जुन पुरस्कार चिकित्सासहित शान्ति, साहित्य, भौतिक, रसायन र अर्थशास्त्रको क्षेत्रमा दिइने गरिन्छ ।

अल्टरले ट्रान्सफ्युजन सम्बन्धी हेपाटाइटिसको अध्ययन गरेका थिए, जसबाट क्रनिक हेपाटाइटिस को एक सामान्य कारण एक अज्ञात भाइरस भएको थाहा भयो । हटनले हेपाटाइटिस सी भाइरसको जीनोमलाई अलग गर्नको लागि एक नयाँ प्रविधिको प्रयोग गरे । त्यस्तै राइसले हेपाटाइटस सी भाइरस एक्लै हेपाटाइटिसको कारण बन्न सक्ने सिद्ध गरे ।
माइकल हटन बेलायती वैज्ञानिक र हार्भी जे अल्टर र चाल्र्स राइस अमेरिकी अनुसन्धानकर्ता हुन् ।

नोबेल पुरस्कार समितिले यो आविष्कारले लाखौँ मानिसको ज्यान जोगाउन सहयोग पुगेको बताएको छ ।

नोबेल पुरस्कारको आधिकारिक ट्विटर ह्याण्डलमा लेखिएको छ, ‘इतिहासमा पहिलो पटक अब हेपाटाइटिस सी भाइरसको उपचार सम्भव भएको छ । यो अनुसन्धानका कारण भाइरसलाई पहिचान गर्न र छुट्टयाउन सकिएकाले दशौँ लाख मानिसको ज्यान जोगिने भएको छ । भाइरसलाई छुट्याउन सकिएपछि विश्वभरि सङ्कलित रगतको परीक्षण गरेर हेपाटाइटिस सी को सम्भावति सङ्क्रमण रोक्न सम्भव भएको छ ।’

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्