काेराेना खाेपकाे दाैडमा अरू कुन–कुन छन् ?

मंसिर १७, २०७७ बुधबार १४:४९:१४ | एजेन्सी

काठमाण्डाै – बेलायत फाइजनर–बायोटेक कम्पनीले बनाएको कोरोना भाइरसविरुद्धको खोप प्रयोगका लागि विश्वव्यापी रूपमा अनुमोदन गर्ने विश्वको पहिलो देश बनेको छ ।

बेलायतको नियामक, एमएचआरएले खोप कोरोनाका बिरामीका लागि ९५ प्रतिशतसम्म प्रभावकारी देखिएको र प्रयोगका लागि सुरक्षित देखिएको बताएको हो ।

केही दिनभित्रै उच्च प्राथमिकतामा रहेको समूहलाई खोप दिन सुरु गरिने बताइएको छ ।

अक्सफाेर्ड-एस्ट्राजेनेकाकाे खाेप : याे भाइरल भेक्टर प्रकारकाे खाेप हाे जसमा जेनेटिकली माेडिफाइड भाइरसकाे प्रयाेग गरिएकाे छ । यसलाई फ्रिजमा सामान्य तापमानमा भण्डारण गर्न सकिन्छ र यसलाई दुई खेप लगाउनुपर्छ । अहिलेसम्म क्लिनिकल परीक्षणमा याे ६२ देखि ९० प्रतिशतसम्म प्रभावकारी पाइएकाे छ ।

याे खाेपकाे प्रति डाेजकाे मूल्य चार डलरसम्म हुनेछ ।

माेडेर्नाकाे खाेप : याे एमआरएनए प्रकारकाे काेराेना खाेप हाे जसलाई भाइरसकाे जेनेटिक कोडकाे केही टुक्रा मिलाएर बनाइँदै छ । यसलाई माइनस २९ डिग्री तापमानमा भण्डारण गर्नुपर्ने हुन्छ र यसलाई ६ महिनासम्म भण्डारण गर्न सकिन्छ । यसकाे दुई डाेज लगाउनुपर्नेछ र अहिलेसम्मकाे क्लिनिकल परीक्षणमा याे ९५ प्रतिशतसम्म प्रभावकारी पाइएकाे छ ।

याे खाेपकाे प्रति डाेजकाे मूल्य ३३ डलरसम्म हुनेछ ।

फाइजरकाे खाेप : मेडेर्नाकाे खाेप जस्तै याे पनि एमआरएनए प्रकारकाे काेराेना खाेप हाे । अहिलेसम्मकाे क्लिनिकल परीक्षणमा याे खाेप ९५ प्रतिशतसम्म प्रभावकारी पाइएकाे छ । यसलाई माइनस ७० डिग्रीकाे तापमानमा भण्डारण गर्नुपर्ने हुन्छ ।

याे खाेपकाे दुई डाेज दिइनेछ र प्रति डाेजकाे मूल्य १८ डलरसम्म हुनेछ ।

गामालेयाकाे स्पुतनिक–भी खाेप : याे अक्सफाेर्डकाे खाेप जस्तै भाइरल भेक्टर प्रकारकाे खाेप हाे, अहिलेसम्मकाे क्लिनिकल परीक्षणमा याे खाेप ९२ प्रतिशतसम्म प्रभावकारी पाइएकाे छ । यसलाई फ्रिजमा सामान्य तापमानमा भण्डारण गर्न सकिनेछ र यसकाे दुई डाेज लिनुपर्ने हुन्छ ।

याे खाेपकाे प्रति डाेजकाे मूल्य ७ दशमलव ५० डलरसम्म हुन्छ ।

यसका साथै रुस स्पुतनिक नामकाे एक अर्काे खाेपकाे प्रयाेग गरिरहेकाे छ । त्यस्तै चिनियाँ सेनाले क्यानसाइनाे बायाेलजिक्सले बनाएकाे एक खाेपलाई अनुमति दिएकाे छ । याे दुई खाेप अक्सफाेर्डकाे खाेप जस्तै भाइरल भेक्टर टाइप खाेप हाे ।

(स्रोत - खाेप बनाउने कम्पनी र विश्व स्वास्थ्य सङ्गठनले जारी गरेकाे तथ्याङ्कअनुसार )

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्